ब्युटी न्युज नेपाल
काठमाडौं, २६ साउन
चलचित्र ‘रावायण’ को दोश्रो पोष्टर सार्वजनिक गरिएको छ । पोष्टरमा फरक गेटअप र एक्सन भाव प्रस्तुत छ ।
निर्देशक सुदर्शन थापा निर्देशित यो फिल्म आगामी भदौ २१ गतेबाट रिलिज हुँदैछ ।
त्यस्तै दोस्रो पोस्टरमा नायक पल शाह र नायिका पुजा शर्मालाई समेटिएको छ ।
यसै साता सार्वजनिक गरिएको यो चलचित्रको टिजर पनि अहिले चर्चामा छ । यो चलचित्र एक्सन प्रधान बनेको छ । टिजरमा पललाई एक्सन भूमिका उतारिएको छ । टिजरमा पल, प्रमोद अग्रहरि, प्रकाश शाहलगायतका कलाकार प्रस्तुत छन् ।
फिल्ममा प्रेमकथाका फिल्म निर्माणमा अब्बल मानिएका निर्देशक सुदर्शन थापाको निर्देशन छ । उनले ‘रावायण’ आफ्ना लागि चुनौतीपूर्ण रहेको बताए । ‘मैले यो फिल्ममार्फत आफूलाई परिवर्तन गर्ने कोशिस गरेको छु,’ उनी भन्छन् ।
सुदर्शन थापा प्रोडक्शन र पुजा शर्मा प्रोडक्शनको संयुक्त व्यानरमा बनेको फिल्मकी निर्माता पुजा शर्मा हुन् । फिल्ममा सुशन पाठक कार्यकारी निर्माता छन् ।
फिल्ममा पल शाह, पुजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाललगायतको अभिनय छ ।
