ब्युटी न्युज नेपाल
काठमाडौं, १६ फागुन
बुधबार मध्यान्न १२ बजे ताप्लेजुङको तारे भिरमा भएको हेलिकोप्टर दुर्घटनामा परी संस्कृति पर्यटन तथा उड्यान मन्त्री रविन्द्र अधिकारी सहित ७ जनाको निधन भएको छ । मन्त्री अधिकारीको निधन प्रति आज शोक घोषणासँगै सरकारी विदा दिईएको छ ।
सांस्कृति क्षेत्रका एक होनहार मन्त्रीको निधनले मुलुक शोकमा छ । कला संस्कृतिसँग जोडिएका चलचित्रकर्मीहरु अहिले शोकमा छन् । मुलुक शोकमा भएको बेला चलचित्रकर्मीले आज आयोजना गर्ने भनेका सबै कार्यक्रम स्थगित गरेका छन् ।
आज १ बजे दिउँसो चलचित्र साईंलीको काठमाडौंमा ट्रेलर रिलज कार्यक्रम थियो । मन्त्री अधिकारीको निधनसँगै आज शोक घोषणा गरेका कारण केही घन्टा अघि मात्र सो कार्यक्रम स्थगित गरिएको छ ।
यस्तै दिउँसो २ बजेबाट आयोजना गर्ने भनिएको चलचित्र ‘बुलबुल’को अन्तरक्रिया कार्यक्रम पनि शोककै कारण स्थगित गरिएको यसका निर्देशक बिनोद पौडेलले जानकारी गराएका छन् । यो कार्यक्रम आजको सट्टा भोली आयोजना गरिने भएको छ ।
चलचित्र क्याप्टेनको आज बिहिबार बेलुका ६ बजे काठमाडौंको कुमारी हलमा भव्य रेड कार्पेट प्रिमियरको तयारी भईरहेको थियो । बुधबार मध्यान्न मन्त्री अधिकारी सहित ७ जनाको निधनको खबरले स्तव्ध भएका निर्माता भुवन केसीले आजको प्रिमियरलाई रद्ध गरेका छन् । अब चाँडै प्रेस सो गरेर सञ्चारकर्मीलाई क्याप्टेन देखाईने उनले बताएका छन् । यो फिल्म शुक्रबारबाट मुलुक भरका सिनेमा हलमा रिलिज हुँदैछ ।
