ब्युटी न्युज नेपाल
काठमाडौं, ८ भदौ
नेपाली चलचित्र एक भगवत् गीता यही २९ भदौमा रिलिज हुँदैछ । यो चलचित्रमा पछिल्लो समय थपिएको एउटा नयाँ गीत मायालाई चिनो…सार्वजनिक गरिएको छ । सिनेमाका मुख्य २ पात्र धिरज मग र सुहाना थापाको लभ केमेष्ट्रीलाई प्रस्तुत गरिएको छ ।
सिनेमाको सार्वजनिक गीतमा कविराज गहतराजको कोरियोग्राफी तथा संकल्प भुजेलको डिओपी रहेको छ । अन्तरजातीय प्रेमकथामा आधारित रहेको सिनेमामा धिरज र सुहानाका अलवा विपिन कार्की, कबीर खड्का, जेविस र जेविन श्रेष्ठ, संजोग रसाइली, मुकेश झा, अनुराग कुँवर, राम कैलाश ठाकुर, धिरज ठाकुरको पनि अभिनय छ ।
सुनिल कुमार थापाको निर्माण रहेको सिनेमाको कन्सेप्ट अभिनेत्री सुहाना थापा र कथा निर्देशक झरना थापाको हो । झरनासँगै सरिन पोखरेल, परिक्षेद सेन, पुरुषोत्तम ढंगेल र कृष्णको पटकथा रहेको सिनेमामा परिक्षेद र पुरुषोत्तमले संवाद लेखेका छन् ।
सुहाना इन्टरटेनमेन्ट र सुनिल कुमार थापा प्रोडक्सनको व्यानरमा निर्माण भएको सिनेमामा राजेश श्रेष्ठको छायांकन, मित्र डि गुरुङको सम्पादन, हिमाल केसीको द्वन्द्व, कविराज गहतराजको कोरियोग्राफी तथा शैलेश श्रेष्ठको ब्याकग्राउण्ड स्कोर, हर्कुलस बस्नेत, आशिष अविरल र प्रवेश मल्लिेकको संगीत रहेको छ ।
बिहिबार रिलिज गरिएको यो गीतमा शंकर अधिकारी घायलको शब्द रचना, बाबुल गिरीको संगीत र स्वर रहेको यो गीतको भिडियोमा चलचित्रका मुख्य अभिनेता धिरज मगर र सुहाना थापा प्रस्तुत भएका छन् । तराईको परिवेशमा छायाँकन गरिएको गीत भन्दा भिडियो निकै राम्रो बनेको छ ।
