ब्युटी न्युज नेपाल
काठमाडौँ, ३१ साउन
काठमाडौँमा शनिबार अबेर रात सम्पन्न तेस्रो संस्करणको इन्फा अवाड्र्स २०२६ मा उत्कृष्ट अभिनेता विधामा नीर शाह र विपिन कार्की गरी दुई जनाले दुई फरक चलचित्रबाट अवार्ड जितेका छन् । संभवन यो अवार्डको इतिहासमा दुर्लभ निर्णय मानिएको छ ।
यो अवार्डमा उत्कृष्ट अभिनेताको लागि पाँच अभिनेता पाँच चलचित्रबाट मनोनयनमा परेका थिए । जस मध्ये चलचित्र ‘परान’ बाट नीर शाहलाई र चलचित्र ‘ऊनको स्विटर’ बाट विपिन कार्कीलाई उत्कृष्ट नायकको अवार्ड प्रदान गरिएको हो । आयोजकले दुबै अभिनेतालाई खुसी पार्न दुबैलाई बेस्ट अभिनेताको अवार्ड दिएको आरोप पनि लागेको छ ।
यसै प्रशँगमा दुई जना अभिनेता नै कसरी उत्कृष्ट भए त ? यस विषयमा सो अवार्डका निर्णायक रमेश बुढाथोकीले ब्युटी न्युज नेपालसँग भने,‘हामीले जजमेन्ट गर्दा निर शाहज्यू र विपिन भाई दुबै जनाको बराबार नम्बर आयो । यसरी बराबर नम्बर आएपछि एउटा दिँदा र अर्कोलाई नदिँदा अन्याय हुने देखियो । त्यसैले हामीले नै दुबै जना अभिनेतालाई उत्कृष्ट अभिनेताको अवार्ड दिनको लागि निर्णय गरेका हौँ ।’
