काठमाडौं, २४ फागुन
काठमाडौंको कलंकीमा रहेको कलंकी व्युटी पार्लर एन्ड ट्रेनिङ सेन्टरकी अध्यक्ष अनिता खड्का रायमाझीले किर्तिपुर स्थित अनाथ बाल आश्रम ‘माया घर’लाई आर्थिक सहयोग प्रदान गरेकी छिन् ।
आफ्नो छोरा अनमेस रायमाझीको ब्रतबन्धको अबसरमा उनले सो माया घरलाई विभिन्न खाद्यान्न सामग्री र आर्थिक सहयोग प्रदान गरेकी हुन् ।
सो संस्थाकी अध्यक्ष दुर्गा पौडेल र उपाध्यक्ष सोनी कारञ्जितलाई अनिताले सो सहयोग संयुक्त हस्तान्तरण गरेकी हुन् ।
महिला तथा बाल विकास मञ्च नेपालद्वारा सञ्चालित सो माया घरमा २६ जना बालबालिका आश्रित छन् । घर परिवारमा शुभ कार्यको अबसर परेकाले त्यसको केही खर्च कटौती गरेर माया घरमा आश्रित बालबालिकाको लागि प्रदान गरेको अनिताले बताईन् ।
बिगत आठ वर्ष देखि माया घर सञ्चाल गर्दै आएकी दुर्गाले यस्ता शुभकार्यमा मायाँ घरलाई सहयोग गर्न सबैलाई आग्रह गरेकी छिन् ।
