ब्युटी न्युज नेपाल
काठमाडौँ, ३ फागुन
चलचित्र लोकन्तीको निर्माण सुरु भएको छ । यो चलचित्रको अहिले काभ्रेको विभिन्न स्थानमा छायांकन भइरहेको छ । चलचित्रलाई निर्देशक रनजित रानाले निर्देशन गरिरहेका छन् ।
पारिवारिक प्रेम कथामा आधारित यो चलचित्रका निर्माता सन्तोष न्यौपाने हुन् । गत साताबाट चलचित्रको छायांकन सुरु भएको निर्देशक रानाले जानकारी गराएका छन् ।
कृष्ण फिल्म्सको ब्यानरमा निर्माण भएको यो चलचित्रमा सुराज यसराज गराज, ऋचा थापा, विमला लिम्बु, दमन रुपाखेतीलगायतको मुख्य भूमिका छ । यसराज र ऋचाको जोडीलाई चलचित्र लभ यु हमेसापछि यो चलचित्रमा देख्न पाइने भएको छ । यही चलचित्रबाट कुमार न्यौपाने र विकास अधिकारीले डेब्यु गर्दैछन् ।
यो चलचित्रमा च्याङबाको छायांकन, अशोक रोक्काको सृँगार, कमल राईको कोरियोग्राफी रहने छ । चलचित्रमा विकास चौधरीको संगीत रहेको छ । चलचित्र लोकन्तीको यतिबेला काभ्रेको अँधेरी थापागाउँमा छायांकन भइरहेको छ ।
