ब्युटी न्युज नेपाल
काठमाडौं, २८ बैशाख
शारीरिक रुपमा मोटा युवा युवतीहरुको लागि प्लस साईज मोडल प्रतियोगिता हुँदैछ । ‘नेपाल्स् प्लस साइज मोडल २०१९’का लागि २० प्रतियोगी छानिएका छन् । शनिबार सद्धि मिडियाको कार्यलय कुलेश्वरमा आयोजित प्रारम्भिक चरणको अडिसनबाट अन्तिम स्पर्धाका लागि २० प्रतियोगी छानिएका हुन् ।
‘मेरो कमजोरी मेरो क्षेमता’नारा रहेको प्रतियोगिताको आयोजक सिद्धि मिडिया रहेको छ । अडिसनमा ३० भन्दा बढी ब्यक्तिहरुको सहभागिता रहेको अडिसनमा सिद्धि मिडियाका प्रबन्ध निर्देशक अमित शाह, मिस चब्बी विजेता लुना गुरुङ, कलाकार प्रिती कार्की, मोडल तथा नेपाल स्टर मोडल सेकेन्डरनरअफ विजेता आयुसा ठाकुर लगायत निर्णाय रहेका थिए ।
छानिएका सबै प्रतियोगिलाई सञ्चार कला, विकास मोटिभेसन, लिडरसिप, ड्रेङ सेन्स, पब्लिक स्पिकिङ, मिडिया काउन्सिल लगायतका प्रशिक्षण सहित अन्तिम स्पर्धामा उतारिनेछ ।
समाजमा दबिएर रहेका ब्यक्तिहरुका प्रतिभा, निखार्दै उनीहरुलाई हरेक क्षेत्रमा अग्रसर हुन प्रेरणा र हौसला प्रदान गर्ने उदेश्य रहेको प्रतियोगिताका शिर्ष बिजेता ५० हजार, फष्ट तथा सेकेन्ड रनरअप विजेताले क्रमश ३० र २० सहित बिभिन्न पुरस्कार जित्न सक्नेछन् ।
