ब्युटी न्युज नेपाल
काठमाडौं, ९ पुष
भ्रष्टाचारविरुद्ध सदाचार सन्देश बोकेको चलचित्र ‘सयकडा दश’ले औपचारिक पोस्टर सार्वजनिक गरेको छ । मनोज गजुरेलले डेब्यु गरेको यो सामाजिक कथामा आधारित चलचित्र आगामी १८ माघबाट सिनेमा हलमा रिलिज हुनेछ ।
प्रस्तुत पोस्टरमा फिल्मका सबै अभिनेता अटाएका छन् । पोस्टरबाट यो सिनेमा प्रेमकथामा आधारित रहेको बुझ्न सकिन्छ । निर्देशक रामशरण पाठकले फिल्मले प्रेम र समाजमा आर्थिक भ्रष्टाचारले पर्ने असरको दृश्य चर्चा गर्ने बताएका छन् । फिल्मलाई निर्देशक पाठक स्वयमले लेखेका हुन् ।
हाँस्यअभिनेता गजुरेलसँगै यसमा राजाराम पौडेल, अमृत ढुंगाना, करुणा श्रेष्ठ, अमित पोखरेल, सोनिया राई, उत्सव न्यौपानेको अभिनय रहेको छ । रज्जु प्रधान, उत्तम खत्री, डीआर उपाध्याय, संजीव न्यौपानेले दर्शन नेपाल क्रिएसनको ब्यानरमा फिल्म निर्माण गरेका हुन् । यो चलचित्रलाई अंग्रेजी नयाँवर्ष २०१९ छेकोमा थाइल्यान्ड र म्यानमारदेखि प्रदर्शन थलिने छ ।
