व्युटी न्युज नेपाल
काठमाडौं, २४ जेठ
मोडल तथा कोरियोग्राफरको रुपमा लोकप्रियता हाँसिल गरेकी निलम काफ्ले पछिल्लो समय फेशन शोको आयोजकका रुपमा परिचित छन् । उनले दुई वर्ष अघिबाट विभिन्न फेशन शो आयोजना गर्दै आएकी हुन् ।
अहिलेसम्म फेशन फिभर–२०१७, मसला प्रिजेन्टस् फेशन शो–२०१७ सहित आधा दर्जन फेशन शोकी आयोजक निलमले आफ्नै सँंस्था निलुज इन्टरट्रेनमेन्टबाट फेशन शो तथा इभेन्ट म्यानेजमेन्ट गर्दै आएकी छिन् । यही सँस्थाबाट उनले आगामी ८ असारमा धादिङको त्रिशुली रिभर साईटमा ‘बीच फेशन शो एन्ड र्याफ्टिङ २०१८’ आयोजना गर्दैछिन् ।
यो फेशन शोका लागि आफुले दुई दिनको प्याकेज तयार गरेको पनि निलमले जानकारी गराईन् । यो कार्यक्रमका लागि ८ असार बिहान फेशन पारखीहरुलाई काठमाडौंबाट त्रिशुली लगिनेछ । बेलुका ७ बजेबाट फेशन सो सुरु गर्ने र त्यो फेशन शो तीन घन्टासम्म चल्ने पनि निलमले जानकारी गराईन् । उनका अनुसार यो फेशन शोमा १२ जना मोडलहरुले क्याटवाक गर्नेछन् ।
फेशन शोको व्यबस्थापक उज्वल जँगल कुँवर रहेका छन् । कुवँरले विभिन्न व्यबस्थापन सुरु गरिसकेको पनि निलमले बताईन् । फेशन शो पछि अबेर रातसम्म क्याम्प फायर, बार्बी क्युब सहित खानपिन हुने छ । सो क्रममा डिजे पार्टीको आयोजना गरिने निलमले बताईन् । पार्टीमा डिजे सागर खनालले दर्शकलाई नचाउने छन् ।
यसरी ८ असारमा फेशन शो र नाईट डिजे पार्टी सकिएपछि ९ असारमा बिहानबाटै त्रिशुलीमा करिब ४ घन्टा र्याफ्टिङ गर्ने र दिउँसोको खाना लिएर काठमाडौं फर्कने कार्यक्रम रहेको पनि निलमले जानकारी गराईन् । प्रति व्यक्ति ५ हजार रुपैयाँ टिकट राखिएको यो कार्यक्रम एक रात दुई दिनको भएकाले यसबाट सबैले आनन्द लिन सक्ने पनि निलमको भनाई छ ।
