ब्युटी न्युज नेपाल
काठमाडौं, २८ असार
प्रतिनिधिसभाको विश्वासको मत प्राप्त गर्न नसकेपछि अन्तत प्रधानमन्त्री पुष्पकमल दाहालले आफ्नो प्रधानमन्त्री पद गुमाएका छन् । अब उनी आईतबारसम्म कामचलाउ सरकारका प्रधानमन्त्री मात्र हुनेछन् ।
शुक्रबार प्रतिनिधि सभामा प्रधानमन्त्री दाहालले विश्वसको मत लिने क्रममा उनले ६३ मत मात्र सँसदमा हाँसिल गरे । जसका कारण उनी अल्पमतमा परेका हुन् । शुक्रबार कुल २५८ जना सांसद मतदान प्रक्रियामा सहभागी भएका थिए । ती मध्य १९४ जना सांसदले प्रधानमन्त्री दाहालको विपक्षमा मत दिए । एक जना सांसद भने तटस्थ बसे । यसरी उनले ६३ मत मात्र प्राप्त गरे ।
शुक्रबार विश्वासको मत लिँदा उनले आफ्नै दल माओवादी (३२) सँगै राष्ट्रिय स्वतन्त्र पार्टी (२१) र एकीकृत समाजवादी (१०) मात्र प्राप्त गरेका हुन् । योसँगै अब माओबादी, रास्वपा र एकीकृत समाजवादी आउँदो सरकारमा प्रतिपक्षमा रहने भएका छन् ।
पछिल्लो पटक १० पुसमा दाहाल विश्वासको मत लिएर प्रधानमन्त्री बनेका थिए । सो सहित उनले यस अघि चार पटकसम्म विश्वासको मत पाएका थिए । काँग्रेस र एमाले दुबैसँग फरक फरक समयमा सत्ता साझेदारी गरेर विश्वसको मत लिई प्रधानमन्त्री बनेका दाहालले आज शुक्रबार भने संसदमा विश्वासको मत गुमाए ।
यसरी विश्वासको मत गुमाए पनि उनी पदमुक्त भएका छन् । दाहाल प्रधानमन्त्रीबाट पदमुक्त भएसँगै शुक्रबार बेलुका नै प्रधानमन्त्री निवास वालुवाटार छाडेर आफ्नो निवास खुमलटार सरेका छन् । रमाईलो प्रसँग के भने पदमुक्त भएका दाहाललाई आत्मविश्वास नघटोस भनेर उनलाई माओबादी कलाकारहरुले बाजा बजाएर स्वागत गर्दै खुमलटार घरमा स्वागत गरे । पदमुक्त भएर बालुवाटार छाड्दा पनि दाहालले खुमलटारमा उस्तै स्वागत र सत्कार पाए ।
