ब्युटी न्युज नेपाल
काठमाडौं, १६ भदौ
अभिनेत्री निरुता सिंह दाम्पत्य जीवनमा बाँधिएकी छिन् । उनी बिहिबार १४ भदौमा मुम्बई निवासी सञ्जीभ गुलाटीसँग बैवाहिक सम्बन्धमा बाँधिएकी हुन् । उनीहरुबीच प्रेम विवाह भएको बताईएको छ ।
आफ्नो र पतिको तस्बिर सामाजिक सञ्जालबाट सार्वजनिक गर्दै अभिनेत्री निरुताले विवाह भएको कुरा फेसबुकबाटै उल्लेख गरेकी हुन् । उनले लेखेकी छिन्, ‘यतिका वर्षदेखि एक मात्र प्रश्न, जसको बिना मेरो कुनै पनि अन्तर्वार्ता पूर्ण हुँदैन थियो । त्यो हो ‘निरुताजी बिहे कहिले गर्ने ?’ भन्ने प्रश्न । आज त्यस प्रश्नको जवाफ दिएकी छु ।’
अभिनेत्री निरुता सिंह बिगत तीन दशकदेखि नेपाली चलचित्रमा क्रियाशिल छिन् । २०५० सालमा चलचित्र दक्षिणाबाट नायिकाको रुपमा नेपाली चलचित्र उधोगमा प्रवेश गरेकी निरुताले एक सय भन्दा बढी फिल्ममा काम गरिसकेकी छिन् । पछिल्लो समय मुम्बईमा बसेर इन्टेरियर डिजाईन गर्दै आएकी उनी बेला बेलामा नेपाल आएर नेपाली चलचित्रमा पनि सक्रिय रहने गरेकी छिन् ।
अभिनेत्री निरुता सिंह लाई विवाहको शुभकामना सहित व्युटी न्युज नेपाल परिवारका तर्फबाट सफल दाम्पत्य जीवनको हार्दिक शुभेच्छा ।
