ब्युटी न्युज नेपाल
काठमाडौं, ७ मँसिर
काठमाडौं निर्वाचन क्षेत्र नं ३ मा नेपाली कांग्रेसका नेता सन्तोष चालिसे निर्वाचित भएका भने ललितपुर क्षेत्र नं. १ बाट नेपाली काँग्रेसका उदयशम्शेर ज.ब.राणाले प्रतिनिधि सभा सदस्यमा बिजय हाँसिल गरेका छन् । मंगलबार राति सम्पन्न मतगणनामा चालिसे र ज.ब.राणाले बिजय हाँसिल गरेका हुन् ।
सन्तोषले काठमाडौं ३ मा १५ हजार १५८ मतसहित विजयी हाँसिल गरेका हुन् । उनका निकटतम प्रतिद्वन्द्वी नेकपा एमालेका कृष्णबहादुर राईले ११ हजार १९६ मतमात्रै प्राप्त गरे । यस्तै तेस्रो स्थानमा देखिएका राष्ट्रिय स्वतन्त्र पार्टीका दुर्गाविक्रम थापा क्षेत्रीले ५ हजार ८६५ मत प्राप्त गर्दा राष्ट्रिय प्रजातन्त्र पार्टीका गणेश गिरीले २ हजार ५११ मत पाए । यहाँ माओवादी केन्द्रका बद्रीप्रसाद बजगाईंले ५१८ मत हाँसिल गरे ।
ललितपुर क्षेत्र नं. १ बाट नेपाली काँग्रेसका उदयशम्शेर ज.ब.राणाले २३ हजार ९९२ मत ल्याएर बिजय हाँसिल गरेका हुन् । उनको निकटतम प्रतिस्पर्धी एमालेका नवराज सिलवालले १९ हजार २६६ मात प्राप्त गरे ।
