ब्युटी न्युज नेपाल
काठमाडौं, १७ पुष
विवाहित महिलाहरूबीचको सौन्दर्य प्रतियोगिता ‘वाइवाइ मिसेस नेपाल वल्र्ड २०२१’ को उपाधि काठमाडौंको बाफलकि दीक्षा केसीले जितेकी छिन् ।
काठमाडौंको त्रिपुरेश्वर स्थित आर्मी अफिसर्स क्लबमा शनिबार साँझ सम्पन्न फाईनल प्रतियोगितामा २४ प्रतिस्पर्धीलाई पछि पार्दै दीक्ष मिसेस नेपाल वल्र्ड बन्न सफल भएकी हुन् । उनले उपाधिसँगै स्कुटर, अमेरिकामा हुने मिसेस वल्र्ड २०२२ मा नेपालको प्रतिनिधित्व गर्दै सहभागी हुने अबसर पनि जितेकी छिन् । यसै वर्षदेखि वाइवाइ मिसेस नेपाल वल्र्डको विजेतालाई मिसेस वल्र्डमा सहभागी गराउने गरी फ्रेन्चाइजी मिलाइएकाले सो अन्तराष्ट्रिय प्रतियोगितामा नेपालको पहिलो सहभागी हुने आयोजक संस्था रिवन इन्टरटेनमेन्टका अध्यक्ष निशुकान्त झाले बताएका छन् ।
प्रतियोगितामा नायिका उषा रजक मिसेस नेपाल इंटरनेसनल र पविता गिरी एमएस इंटरनेसनल भए। उनीहरुले उपाधि चुमेवापत सन् २०२२ मा सिङ्गापुरमा हुने क्रमशः मिसेस इन्टरनेसनल र एमएस इन्टरनेसनलमा सहभागिता जनाउने अवसर प्राप्त गर्ने छन्। उषा रियो मस्ट ट्यालेन्टेड र सिजी सिमेन्ट मस्ट बोल्डको विजेता पनि भइन्।
रिबन इन्टरटेनमेन्टको आयोजना तथा कि एडभरटाइजिङको मार्केटिङ सहकार्यमा सम्पन्न प्रतियोगितामा सुनीता लामा मिसेस नेपाल वल्र्ड फस्ट रनर्सअप, राजश्री थापा मिसेस नेपाल वल्र्ड सेकेण्ड रनर्सअप र मनीता प्याकुरेल मिसेस नेपाल वल्र्ड थर्ड रनर्सअप भए।
त्यसै गरी .माधुरी कर्ण एआरएस डेन्टल क्लिनीक बेस्ट स्माइल, वाइवाइ डाइनामिक भ्यूअर्स च्वाइस र प्रदेश २ उद्योग तथा पर्यटन मन्त्रलाय मिसेस टुरिजम एम्बेस्डर, लक्ष्मी जोशी आईएमई पे पब्लिक च्वाइस अवार्ड, सोनु मगर ढुंगेल.रश्मीलाज फेसियल हाउस वेस्ट हेयर, सुमिता लामा नेपाल आईस वेस्ट ¥याम्पवाक र एन्ड पिक्चर्स मस्ट फोटोजेनिक, माला सुनुवार मालिका सेभिङ एन्ड क्रेडिट मस्ट इंन्टलिजेन्ट, नारायणी अटो बिजीनेस मस्ट डिसिप्लेन्ड, पवित्रा बानियाँ हरपल फुड्स मिसेस कन्जीनियालिटी, जयन्ती राई सिल्कवेयर फेसन आइकन, मनिता प्याकुरेल असम वेस्ट पर्सनालिटी, सुष्मिता खड्का सप्mटी मस्ट व्युटिफल, राजश्री थापा क्वीक्स मस्ट कन्फिडेन्ट, सुमित्रा पौडेल उप्रेती काठमाडौं वल्र्ड स्कुल मस्ट क्रियटिभ र मोनिका न्यौपाने होटल सिटी पार्क म्यानेजमेन्ट च्वाइस अवार्ड उपउपाधि विजेता भए।
प्रतियोगिता पूर्व मिसेस नेपाल चन्दा थापा गिरीको सह–कोरियोग्राफी तथा आकाश गिरी र गंगा महर्जनको संयोजनमा सम्पन्न भएको हो ।
सिएनएन हिरो तथा माइती नेपालकी अध्यक्ष अनुराधा कोइराला प्रमूख निर्णायक तथा अभिनेता राजेश हमाल, अभिनेता तथा कोरियोग्राफर प्रशान्त ताम्राकार, नेपाल सुपर लीगकी अध्यक्ष अश्रेता कार्की चौधरी, नागरीक उड्डयन प्राधिकरणका अध्यक्ष राजकुमार क्षत्री र ब्राजिल नेपाल च्याम्बर अफ कमर्सका अध्यक्ष अखिल चापागाईं निर्णायक रहेका थिए ।
तीन दशकभन्दा लामो समयदेखि जीवन्त अभिनय र नृत्यकलाबाट लोकप्रियता कमाउँदै आएकी ख्यातिप्राप्त अभिनेत्री गौरी मल्ललाई कार्यक्रममा चम्किलो क्राउन पहिराएर मानार्थ एमएस नेपाल उपाधिबाट सम्मान गरिएको थियो। उनको सम्मानमा विनु शाक्य र श्रीलक्ष्मी थापाले उनले अभिनय तथा नृत्य गरेको विभिन्न कालखण्डका गीतमा नृत्य प्रस्तुत गरेकी थिए। यसअघि मिसेस नेपालको मञ्चमा रिवन इन्टरटेनमेन्टले अभिनेत्री करिश्मा मानन्धरलाई मानार्थ मिसेस नेपाल उपाधिबाट सम्मान गरेको थियो।
अश्विनीकान्त झाको कोरियोग्राफी र सञ्चालनमा सम्पन्न ग्रान्ड फिनाले कार्यक्रम नेपाल टेलिभिजनले प्रत्यक्ष प्रसारणको थियो।
