आज १६०३ सँक्रमित, २७ को मृत्यु, २५५२ जना कोरोनामुक्त

ब्युटी न्युज नेपाल
काठमाडौं, २० असार

नेपालमा आज आईतबार १ हजार ६०३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा ४ हजार ८७६ जनाको पीसीआर परीक्षणमा १ हजार ०४२ र ३ हजार २५६ जनाको एन्टिजेन परीक्षणमा ५६१ जना गरी १ हजार ६०३ जनामा संक्रमण पुष्टि भएको हो । संक्रमितमध्ये ४६१ जना काठमाडौं उपत्यकाका छन् । काठमाडौंमा ३४२, ललितपुरमा ८८ र भक्तपुरमा ३१ जना संक्रमित भेटिएका छन् । हाल देशभरका ९ वटा जिल्लामा सक्रिय संक्रमितको संख्या ५०० भन्दा बढी रहेको छ ।

यस्तै कोरोना सँक्रमणबाट पछिल्लो २४ घन्टामा कोरोना संक्रमणबाट २७ जनाको मृत्यु भएको छ । यस्तै पछिल्लो २४ घण्टामा २ हजार ५५२ जना कोरोना सँक्रमणबाट मुक्त भएका छन् ।