ब्युटी न्युज नेपाल
काठमाडौं, ९ असार
गायक सुनिल गिरीले आफ्नो एक समयको चर्चित गीत को होला त्यो…लाई नारी एकल स्वरमा समेत पुन रेकर्ड गरेर दर्शकमाझ ल्याएका छन् । उनले नारी स्वरको यो गीतको भिडियो पनि यतीबेला रिलिज गरेका छन् । यो गीतलाई यतीतबेला नयाँ पुस्ताकी गायिका अस्मिता अधिकारीले गाएकी छिन् । गायक गिरीकै अफिसियल युट्युब च्यानल मार्फत बजारमा ल्याइएको छ ।
यो गीतमा गायक गिरीको शब्द र संगीत रहेको छ भने एरेन्ज गोपाल रसाइलीको रहेको छ । यो गीतको भिडियोको छायाँकन हाल जारी निषेधाज्ञा अगाडी कालिन्चोक, चरिकोट मुडे, लगायतका रमणीय स्थानमा गरिएको थियो । भिडियोमा अभिनेता पल शाह र अभिनेत्री प्रकृति श्रेष्ठले अभिनय गरेका छन् ।
यस अघि सुनिलले गाएको यो गीतमा पनि पल र प्रकृतिले नै अभिनय गरेका थिए । गायक गिरीले ८ वर्ष अगाडी पल र प्रकृतिलाई नै लिएर को होला त्यो बोलको गीत बजारमा ल्याएका थिए । जुन गीतले नेपाली सांगीतिक क्षेत्रमा ठूलो चर्चा कमाएको थियो । ८ वर्ष पछि सोही टिम दोहोरीएको भिडियोले दर्शकलाई भरपुर मनोरञ्जन दिने विश्वास गायक गिरीले गरेका छन् ।
हालको भिडियोमा अनिल कृष्ण मानन्धरको छायांकन र निर्देशन रहेको छ । भिडियोको सम्पादन र कलरिगं मनोज कार्कीले गरेका हुन् । यो गीतमा उत्कृष्ट टिकटक बनाउनेलाई २५ हजार नगर उपलब्ध गराइने गायक गिरीले जानकारी दिए । टिकटकमा आएको सर्वाधिक भ्यूज, लाइक कमेन्टका आधारमा पुरस्कृत गरिने निर्माण यूनिटले जनाएको छ ।
