ब्युटी न्युज नेपाल
काठमाडौं, ११ जेठ,
आज नेपालमा ८ हजार ६३६ जनामा संक्रमण पुष्टि भएको छ । यस्तै पछिल्लो २४ घन्टामा कोरोना सँक्रमणबाट नेपालमा १६९ जनाको मृत्यु भएको छ । योसँगै हालसम्म नेपालमा कोरोना सँक्रमणबाट ६ हजार ७०० जनाको मृत्यु भईसकेको पनि मन्त्रालयले जनाएको छ ।
स्वास्थ्य तथा जनसँख्या मन्त्रालयले पछिल्लो २४ घण्टामा देशभरका प्रयोगशालामा २२ हजार ३०६ नमुनाको पीसीआर टेष्ट गर्दा ८३८७ र ६३० एन्टिजेन टेष्ट गर्दा २४९ जना गरी ८ हजार ६३६ जनामा संक्रमण पुष्टि भएको हो । यो सँगै नेपालमा हालसम्म कोरोना सँक्रमित हुनेको कुल सँख्या ५ लाख २८ हजार ८४८ जना पुगेको छ ।
यस्तै नेपालमा यतीबेला उपचारमा रहेको सक्रिय संक्रमितको संख्या १ लाख १७ हजार २६१ जना रहेको पनि स्वास्थ्य तथा जनसंख्या मन्त्रालयले जनाएको छ ।
यस्तै पछिल्लो २४ घण्टामा ६ हजार ४०४ जना संक्रमणमुक्त भएका हुन् । यो सँगै हालसम्म ४ लाख ४ हजार ८८७ जनाले कोरोना जितिसकेका छन् ।
