ब्युटी न्युज नेपाल
काठमाडौं, १२ भदौ
चौधरी गु्रपका अध्यक्ष एवं नेपालका उद्योगपति विनोद चौधरीले आफु कोरोना संक्रमण भएको बताएका छन् । उनले शुक्रबार सामाजिक सञ्जाल ट्विटरमार्फत आफूमा कोरोना संक्रमण भएको जानकारी दिएका छन् । तर अहिले आफूमा कुनै लक्षण नदेखिएको चौधरीले उल्लेख गरेका छन् ।
कोरोना संक्रमण परीक्षण गर्दा शुक्रबार विहान संक्रमण पुष्टि भएको उनको कथन छ । आफुले डाक्टरहरुसँग सल्लाह लिएर अहिले आइसोलेसनमा बसेको पनि उनले बताएका छन् ।
यो बीचमा आफूसँग सम्पर्कमा रहेकाहरुलाई सतर्कता अपनाउँदै कोरोना परिक्षण गराउन पनि चौधरीले आग्रह गरेका छन् ।
