ब्युटी न्युज नेपाल
काठमाडौं, ११ भदौ
आज नेपालमा १ हजार १११ जनामा कोरोना भाइरस देखिएको छ । स्वास्थ्य तथा जनसङ्ख्या मन्त्रालयलका प्रवक्ता डा. जागेश्वर गौतमका अनुसार पछिल्लो २४ घण्टामा देशभरका ल्याबमा १२ हजार ६२९ पीसीआर परीक्षण गर्दा १ हजार १११ जनामा कोरोना पुष्टी भएको हो । योसँगै नेपालमा हालसम्म कोरोना सङ्क्रमितको सङ्ख्या ३५ हजार ५२९ पुगेको पनि डा. गौतमले बताए ।
देशभर हाल १५ हजार २७३ जना आइसोलेशनमा रहेको पनिडा. गौतमले बताए । त्यस्तै देशभरका क्यारेन्टिनहरुमा हाल ९ हजार ४८८ जना रहेका छन् ।
देशभरमा गरी पछिल्लो २४ घण्टामा ५६९ जना निको भएर घर फर्किएका छन् । यो सँगै कोरोना सङ्क्रमण निको हुनेको सङ्ख्या जम्मा २० हजार ७३ पुगेको छ ।
नेपालमा पछिल्लो २४ घन्टामा कोरोनाबाट ८ जनाको निधन भएको छ । जसमा ५ जना महिला र ३ जना पुरुष रहेका छन् । मृतक महिलाहरुमा ललितपुर, बारा, कास्की, रुपन्देही र बाँकेका १/१ जना र पुरुषमा काठमाडौ, पर्सा र कपिलबस्तुका १/१ जना रहेका छन् । यो सँगै नेपालमा कोरोनाबाट मृत्यु हुनेको सँख्या १८३ जना पुगेको छ ।
