ब्युटी न्युज नेपाल
काठमाडौं, ३२ साउन
नेपालमा आज फेरी कोरोना सँक्रमण बढेको छ । आज नेपालमा ६४१ जनामा कोरोना सँक्रमण देखिएको छ । स्वास्थ्य तथा जनसङ्ख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा देशभरिको प्रयोगशालामा १२ हजार २४७ नमूना परीक्षण गर्दा ६४१ जनामा कोरोना सँक्रमण पुष्टि भएको हो ।
पछिल्लो २४ घण्टामा काठमाडौं उपत्यकामा मात्रै १ सय ३२ जना कोरोना संक्रमित भेटिएका छन् । स्वास्थ्य तथा जनसंख्या मन्त्रालयका अनुसार काठमाडौंमा १२६, ललितपुरमा ३८ र भक्तपुरमा ८ जना संक्रमित भेटिएका हुन् । संक्रमित कुन ठाउँका हुन् भन्ने मन्त्रालयले खुलाएको छैन ।
यस्तै आज देशभरका आईसोलेसन सेन्टरमा ९ हजार २२१ जना कोरोनाको उपचारमा रहेको पनि डा. गौतमले बताए । यस्तै डा. गौतमका अनुसार नेपालका विभिन्न क्वारेन्टिनमा यतीबेला १५ हजार २४३ जना रहेका छन् ।
डा. गौतमका अनुसार पछिल्लो २४ घण्टामा १३४ जना कोरोनाबाट निको भई घर फर्किएका छन् । यो सँगै हालसम्म १७ हजार ३३५ जना कोरोना मुक्त भएर घर फर्किसकेका छन् ।
यस्तै पछिल्लो २४ घण्टामा कोरोना सङ्क्रमणबाट थप २ जनाको मृत्यु भएको पनि डा. गौतमले बताए । यो सँगै नेपालमा कोरोना सँक्रमणबाट मृत्यु हुनेको सँख्या १०४ जना पुगेको छ ।
