ब्युटी न्युज नेपाल
काठमाडौं, १४ जेठ
शनिबार देखि भेरी नदीमा हराईरहेका भनिएका ३ जनाको खोजी कार्य सुरु भएको छ । रुकुमको चौरजहारीमा स्थानीय एक मल्ल थरकी युवतीलाई नवराज बिकसँग जाजरकोटबाट भगाउन जाने क्रममा हराएका ६ जना मध्य नवराज विक र अरु दुईको शब फेला परिसकेको छ ।
भेरी नदीमा बेपत्ता भएका भनिएको बाँकी तीन जना युवकको खोजीमा कार्य सशस्त्र प्रहरीको तालिम प्राप्त गोताखोर टोलीले बुधबारबाट सुरु गरेका छन् । यि बेपत्ताबारे मँगलबार संघिय सदनमा सोधिएको प्रश्नमा गृहमन्त्री रामबहादुर थापाले उनीहरुको खोजी बुधबारबाट गोताखोर मार्फत सुरु हुने बताएका थिए ।
यसै क्रममा बुधबारबाट खोजी सुरु गरिएको हो । खोजीमा १८ जना शसस्त्र प्रहरी परिचालित छन् । जाजरकोटस्थित सशस्त्र प्रहरी बलको आश्रीत गुल्मबाट डीएसपीको कमाण्डमा ४ जनाको गोताखोर टोली र सशस्त्र प्रहरी बल नम्बर ४७ गुल्म पश्चिम रुकुमबाट सशस्त्र प्रहरी नायब निरीक्षकको कमाण्डमा ४ जना विपद् व्यवस्थापन तालिम प्राप्त सशस्त्र प्रहरीसहित १८ जनाको टोली खोजीमा जुटेका छन् ।
