ब्युटी न्युज नेपाल
काठमाडौं, १ जेठ
नेपालमा कोरोना भाईरस सँक्रमितको संख्या २४५ पुगेको छ । आज बिहिबार बिहान अरु नयाँ २ जनामा कोरोना सँक्रमण भेटिएपछि कोरोना सँक्रमितको सँख्या २४५ पुगेको हो ।
आज बिहान सँक्रमित भेटिएकाहरुमा काठमाडौंको चन्द्रागिरी नगरपालिका मच्छेगाउँका ३३ वर्षीय पुरुष, कपिलबस्तुको कपिलबस्तु नगरपालिकाकी ६ वर्षीया बालिका रहेको स्वास्थ्य तथा जनसँख्या मन्त्रालयका सहप्रवक्ता समिरकुमार अधिकारीले विज्ञप्ति मार्फत जानकारी गराएका छन् ।
राष्टिय जनस्वास्थ्य प्रयोगशाला, टेकु काठमाडौंमा गरिएको परिक्षणमा उनीहरुमा कोरोना सँक्रमण पोजेटिभ देखिएको हो । उ उनीहरुको स्वास्थ्य अबस्था सामान्य रहेको स्वास्थ्य मन्त्रालयले जनाएको छ ।
आज बिहान सुरुमा २ जनालाई र पछि फेरी ५ जनालाई कोरोना सँक्रमण भएको बिज्ञप्ति स्वास्थ्य मन्त्रालयले जारी गरेको थियो । तर आज बिहान २ जनालाई मात्र सँक्रमण देखिएको ५ जना हिजोकै भएको र अहिलेसम्म २४५ जनामात्र पुगेको सो मन्त्रालयले जनाएको छ । त्रुटीबस धनुषा, महोत्तरी र सर्लाहीका ५ जनाको नाम र स्थान दोहोरिएर आएको पनि मन्त्रालले जनाएको छ ।
