ब्युटी न्युज नेपाल
काठमाडौं, २९ बैशाख
अहिले बेलुकी पख फेरी नेपालमा थप १३ जनामा कोरोना संक्रमण पुष्टि भएको छ । यो सँगै नेपालमा कोरोना सँक्रमितको सँख्या संख्या १३४ पुगेको छ । स्वास्थ्य तथा जनसंख्या मन्त्रालयले एक विज्ञप्ति जारी गर्दै सोमबार बेलुका रुपन्देहीमा ६ जना, कपिलवस्तुमा ६ जना र बर्दियामा १ जनामा कोरोना भाईरस पोजेटिभ देखिएको जनाएको छ ।
मन्त्रालयका सहप्रवक्ता डा. समीरकुमार अधिकारीका अनुसार आज राष्ट्रिय जनस्वास्थ्य प्रयोगशालामा गरिएको परीक्षणमा यी सबैमा कोरोना संक्रमण पुष्टि भएको हो ।
यसरी सँक्रमितहरुमा रुपन्देहीको सम्मरीमाई गाउँपालिका ७ र लुम्बिनी साँस्कृतिक गाउँपालिका ६ का २४, २६, २७, ३०, ३२ र ४० वर्षका पुरुष रहेका छन् । यता बर्दिया राजापुर नगरपालिका ५ कि ११ वर्षकी बालिकामा पनि कोरोना संक्रमण देखिएको पनि सहप्रबक्ता अधिकारीले बताए । बर्दियामा पहिलो पटक कोरोना सँक्रमण देखिएको हो ।
यस्तै कपिलवस्तुको यशोधरा गाउँपालिका ८ र वुद्धभूमि नगरपालिका ७ का १५, १९, २३, ३०, ३२ र ३८ वर्षका पुरुषमा पनि कोरोना संक्रमण देखिएको छ । अधिकारीका अनुसार कपिलवस्तुमा मात्र सोमबार १६ जनामा कोरोना संक्रमण देखिएको छ । सोमबार विहानमात्रै कपिलवस्तुमा १० जनामा कोरोना संक्रमण पुष्टि भएको थियो । सोमबार साँझ थप १३ जनामा पुष्टि भएपछि नेपालमा एकै दिन २४ जनामा कोरोना संक्रमित बढेका हुन् ।
