ब्युटी न्युज नेपाल
काठमाडौं २७ वैशाख,
नेपालमा आज फेरी ७ जना कोरोना भाइरस संक्रमित थपिएका छन् । स्वास्थ्य तथा जनसंख्या मन्त्रालयका सहप्रवक्ता समिर कुमार अधिकारीका अनुसार अरु ७ जनामा कोरोना भाईरस पोजेटिभ पुष्टि भएको हो ।
शनिबार एक विज्ञप्ति प्रकाशित गर्दै यो सहित नेपालमा कोरोना संक्रमितको संख्या १०९ पुगेको बताएका छन् ।
अधिकारीले जारी गरेको शो विज्ञप्ति अनुसार उदयपुरको भुल्केमा ३, कपिलवस्तुमा ३ र पर्साको छपकैयामा १ जना नयाँ संक्रमित फेला परेका हुन् । उनीहरु सबैको स्वास्थ्य अवस्था सामान्य रहेको र कोरोना सँक्रमण देखिपछि सम्बन्धित स्थानको कोरोना अस्पतालमा आईसोलेसनमा राख्ने तयारी भईरहेको पनि सहप्रवक्ता अधिकारीले जननाएका छन् ।
शनिबार काठमाडौंस्थित राष्ट्रिय जनस्वास्थ्य प्रयोगशाला र विराटनगरस्थित कोशी अस्पतालको प्रयोगशालामा गरिएको परीक्षणमा ७ जनामा संक्रमण पुष्टि भएको हो ।
