ब्युटी न्युज नेपाल
काठमाडौं, १४ बैशाख
बीरगञ्जमा फेरी दुई जनालाई कोरोना भाईरस सँक्रमण परीक्षण पोजेटिभ देखिएको छ । योसँगै दुईजना कोरोना संक्रमित थपिएका छन् ।
स्वास्थ्य तथा जनसँख्या मन्त्रालयका अनुसार यो दुई जनामा कोरोना सँक्रमण देखिएपछि नेपालमा कोरोना संक्रमितको संख्या ५१ जना पुगेको छ ।
स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीले जारी गरेको विज्ञप्ति अनुसार राष्ट्रिय जनस्वास्थ्य प्रयोगशालामा भएको परीक्षणको नतिजाअनुसार नयाँ पुष्टि भएको संख्या दुई छ । उनीहरु दुवै जना पर्सा, वीरगन्ज निवासी ५० वर्षीय पुरुष हुन् । उनहरुलाई कसरी कोरोना सँक्रमण भयो भन्ने थप विवरण आउन बाँकी छ ।
यि दुबैजना सँक्रमित अहिले आइसोलेशनमा छन् । उनीहरुको स्वास्थ्य अवस्था सामान्य रहेको पनि मन्त्रालयले जनाएको छ । यस अघि सँक्रमित बीरगञ्जना चार जनामा कोरोना भाईरस पछिल्लो परीक्षणमा नेगेटिभ आईपछि उनीहरुलाई डिस्चार्ज गर्ने तयारी भईरहेको छ । हालसम्म विभिन्न अस्पतालमा उपचाररत रहेको मध्ये १२ जना निको भइ घर फर्किसकेका छन् ।
