ब्युटी न्युज नेपाल
काठमाडौं १५ चैत
४ चैतमै कतार एयरवेजको ‘क्यूआर ६५२’ विमानबाट नेपाल आएकी बागलुङकी एक युवतीमा कोरोना भाइरस (कोभिड(१९) पोजेटिभ भेटिएको छ । यो जहाजमा १५८ जना आएका थिए ।
बेल्जियमबाट नेपाल आएकी यी युवतीको स्वास्थ्यमा समस्या आएपछि कोरोना भाईरस परिक्षणको क्रममा पोजेटिभ देखिएको हो ।
बागलुङ नगरपालिकामा रहेकी यि युवतीले धौलागिरी अस्पतालबाट आफ्नो स्वाव परीक्षणको लागि पठाएकी थिईन् । उनी अस्पताल बस्न मानिन् । हाल उनी आफ्नै घरमा सेल्फ क्वारेन्टाईनमा छिन् । अहिले कोराना भाइरसको संक्रमण पुष्टि भएकी उनलाई सुरक्षित रुपमा काठमाडौं ल्याउने तयारी भइरहेको छ ।
यी २२ वर्षीया युवतीमा कोरोना भाईरस देखिएपछि नेपालमा कोरोनाबाट सँक्रमितको सँख्या ५ पुगेको छ । यस अघि कोरोना भाईरसको सँक्रमण देखिएकी मैतिदेबी काठमाडौंकी १९ वर्षीया युवती पनि कतार एयरवेजको सोही बिमानमा ४ चैतमा नेपाल आएकी थिईन् । १० चैतमा उनलाई कोरोना भाईरस देखिएको पुष्टि भएको थियो । उनको अहिले टेकु अस्पतालमा उपचार हुँदैछ ।
