ब्युटी न्युज नेपाल
काटमाडौं, २२ फागुन
प्रधानमन्त्री केपी शर्मा ओलीको स्वास्थ्यमा राम्रो सुधार आएको त्रिवि शिक्षण अस्पतालका कार्यकारी निर्देशक प्रा. डा. प्रेमकृष्ण खड्गाले बताएका छन् । बिहीबार अस्पतालमा आयोजित पत्रकार भेटघाटका क्रममा कार्यकारी निर्देशक खड्काले प्रधानमन्त्री ओलीको स्वास्थ्यमा अपेक्षाकृति सुधार आएको बताए ।
प्रधामन्त्री ओलीको त्रिबिबी शिक्षण अस्पतालमा बुधबार मिर्गौला प्रत्यारोपण गरिएको हो । प्रत्यारोपण गरेको केही क्षणबाटै मिर्गौलाले काम सुरु गरेको बुधबार नै चिकित्सकहरुले जानकारी गराएका थिए ।
अस्पतालका कार्यकारी निर्देशक खड्काका अनुसार प्रधानमन्त्री ओलीले बिहिबारबाट नरम खाना र तरल पदार्थ लिन सुरु गरिसकेका छन् । उनको पिसावको अबस्था पनि राम्रो छ ।
प्रधानमन्त्री ओलीलाई उनकी भान्जी समीक्षा संग्रौलाले मिर्गौला दान गरेकी हुन् । समीक्षाको पनि स्वास्थ्यमा सुधार आएको पनि कार्यकारी निर्देशक खड्काले पत्रकार भेटघाटका क्रममा जानकारी गराए । समीक्षाले पनि जाउलो लगायतका खानेकुरा खान सुरु गरिसकेकी छिन् ।
