ब्युटी न्युज नेपाल
काठमाडौं, ३० असार
शुक्रबारबाट मुलुकका सिनेमा हलमा रिलिज भएको चलचित्र ‘सानो मन’को टिमले इन्टरनेशनल इन्ष्टिच्युट अफ फेसन टेक्लोजी (आईआईएफी)को ललितपुरस्थित मानभवन शाखा उद्घाटन गरेका छन् ।
अभिनेता आयुषमान देशराज जोशी, अभिनेत्री शिल्पा मास्के, निर्देशक आयुष गुरुङ, ललितपुर चेम्बर्स अफ कर्मसका अध्यक्ष कृष्णलाल महर्जन र आईआईएफटी अध्यक्ष सर्मिष्ठा श्रेष्ठले सो इन्टिच्युटको शनिबार सँयुक्त उद्घाटन गरेका हुन् ।
आयुष र शिल्पा अभिनीत फिल्म ‘सानो मन’ यही शुक्रबारबाट अलनेपाल रिलिज भएको छ । बागबजारमा मुख्य कार्यालय रहेको आईआईएफटी फेसन अफ कलेजको यो नयाँ शाखा हो ।
अभिनेता आयुष्मान र अभिनेत्री शिल्पाले आफूहरु अभिनीत फिल्म प्रमोशनकै क्रममा आईआईएफटी स्कुल अफ कलेजको उद्घाटन गर्न पुग्दा खुसी लागेको बताए ।
अभिनेता आयुष्मानले आफू पनि फेसनप्रति चासो भएकाले आईआईएफी जस्तो इन्ष्टिच्युटले फेशन डिजाईनको बजार बिस्तारमा सघाउने बताए । आयुष्मानले चलचित्र सोनो मन केही पृथक चलचित्र भएको बताउँदै यो फिल्म हेर्न दर्शकलाई आग्रह गरे ।
यस्तै अभिनेत्री शिल्पाले यस्ता इन्टिच्युटले आर्ट तथा फेसन कलेजहरुको कमी भइरहेका बेला फेशन पढ्ने विधार्थीलाई अध्ययनको लागि अबसर मिल्ने विश्वास व्यक्त गरिन् । आफू सानोमा फेसन प्रति आकर्षक नभए पनि ग्ल्यामरस क्षेत्रमा आएपछि फेसनप्रति रुचि राख्न थालेको बताइन् ।
कार्यक्रममा आईआईएफटीका प्रबन्ध निर्देशक फुपु तेन्जिङ शेर्पाले तीन वर्षअघि बागबजार प्लाजामा सञ्चालनमा आएको आईआईएफटी स्कुल अफ फेशनले अहिलेसम्म डेढ सय बढी फेसन डिजाइनर उत्पादन गरिसकेको बताए । उनले कार्यक्रमलाई सम्बोधन गर्दै शेर्पाले बागबजारको सफलतापछि शाखा सञ्चालनमा ल्याएको बताए । उनका अनुसार हाल दुई ब्याचमा ३० जना विद्यार्थी अध्ययनरत रहेका छन् ।
