व्युटी न्युज नेपाल
काठमाडौं १३ असार
दुई दशक भन्दा लामो समयदेखि नेपालमा कस्मेटिक क्षेत्रमा आफ्नो बर्चश्व कायम गर्दै आएको कस्मेटिक कम्पनी ‘नेचर सेन्स’को विभिन्न उत्पादन र यसको प्रयोगबारे विभिन्न व्युटिसियनले जान्ने अबसर पाएका छन् ।
काठमाडौंको रवीभवन स्थित ‘रोज व्युटी पार्लर एन्ड ट्रेनिङ सेन्टर’मा सोमबार आयोजित एक दीवसीय सेमिनारमा विभिन्न व्युटिसियनहरुले यसबारे जान्ने अबसर पाएका हुन् ।
सो क्रममा नेचर सेन्स र कलर सेन्सको नेपालका लागि कन्ट्री डिरेक्टर रमेश उप्रेतीले सो सेमिनारमा व्युटिसियनहरुलाई नेचर सेन्स र कलर सेन्सको उत्पादन तथा प्रयोगबारे जानकारी गराएका छन् । सम्बन्धित उपत्दानमा केमिकल्सको प्रयोग र यसलाई प्रयोग गर्ने तरिकाबारे पनि उनले प्रशिक्षण दिए ।
सो क्रममा कन्ट्री डिरेक्टर उप्रेतीले फेसियलसम्बन्धी विशेष प्रशिक्षण दिए । उनले गोल्डकिट फेसियल, भिटासी फेसियल, ए.एच.ए. फेसियल, सन्स क्रिम, मोस्चराईजर, कलर सेन्सको वाटरप्रुफ मेकअप सामग्री र यसको निर्माण तथा प्रयोगको बारेमा जानकारी गराए ।
सोही कार्यक्रममा रोजी व्युटी पार्लर एन्ड ट्रेनिङ सेन्टरकी अध्यक्ष सोनी कारञ्जितले अल्फा हाईड्रोअक्सी एसिड (ए. एच. एफ.) फेसियलको प्रयोग गरेर फेसियल प्रत्यक्ष गरेर देखाउँदै यसको फाईदाबारे जानकारी गराईन् । सो प्रशिक्षण आफुहरुलाई निकै उपयोगी सावित हुने विश्वास सम्बन्धित प्रशिक्षार्थीहरुले व्यक्त गरे ।
