ब्युटी न्युज नेपाल
काठमाडौं, २६ जेठ
यो वर्षको एसइइ नजिकिँदै गर्दा ‘एसइइ डान्स च्याम्पियनसिन’को चौथो संस्करण अडिसन लिने क्रम जारी छ । एसइइ दिएर बसेका विधार्थीहरुलाई लक्षित गरेर बिगत चार वर्षदेखि देशव्यापी रुपमा यो प्रतियोगिता आयोजना हुँदै आएको छ । यसैक्रममा सुदूरपश्चिम प्रदेश र मधेश प्रदेशको अडिसन भिडियोबाट लिने काम भईरहेको आयोजक महेश गोदारले बताएका छन् ।
यस्तै २७ जेठ भोलीलाई पनि विभिन्न स्थानमा अडिसन राखिएको छ । गण्डकी प्रदेशको अडिसन जेठ २७ गते पोखराको बिटुडी डान्स स्कुलमा लिइँदैछ । २७ जेठमै कर्णाली प्रदेशको अडिसन नेपालगञ्जको बागेश्वरी कला समुहको कार्यालयमा कोशी प्रदेशको अन्तरवार्ता इटारी स्थित लक्ष्मी डान्स सेन्टरमा लिइने कार्यक्रम रहेको पनि उनले जानकारी गराएका छन् ।
यसै क्रममा यसै साता २० जेठमा लुम्बिनी प्रदेशको अन्तरवार्ता निन्जा डान्स स्टुडियामा लिईयो भने, बागमति प्रदेशको अडिसन काठमाडौंको मनास्लु वल्र्ड कलेजमा सम्पन्न भएको छ ।
बिगत झै यसपटक पनि यो प्रतियोगिताको फाईनलमा पुगेकाहरुले प्लस टुको अध्ययनका लागि पूर्ण छात्राबृत्ति पाउने भएका छन् । यो प्रतियोगिताको चौथो संस्करणको अडिसन आगामी नयाँ वर्षसँगै हुने भएको छ ।
यो प्रतियोगिताको लागि आगामी चैतमा एसइइ दिएर बसेका विधार्थीहरुले भाग लिने पाउने आयोजक संस्थाका अध्यक्ष एवम् बरिष्ट कोरियोग्राफर महेश गोदारले बताएका छन्,‘हामीले सबै प्रदेशमा बैशाखको पहिलो साताबाट अडिसन शुरु गर्ने छौं । उनीहरुको नृत्यको आधारमा अडिसन लिएर प्रत्यक प्रदेशबाट फाईनलको लागि ३ जना चयन गरिने छ ।’
माविहरुको संस्था ‘हिसान’को सहकार्यमा काठमाडौंको कपनमा रहेको बज्रायोगिनी डान्स एन्ड म्युजिक एकेडेमीले यो प्रतियोगिता आयोजना गर्दै आएको छ । यो प्रतियोगितामा नेशनल प्याब्सन र प्याब्सनको समेत सहकार्य रहेको पनि गोदारले जानकारी गराएका छन् ।
यी सहित काठमाडौंबाट १० जना चयन गरेर कुल २८ जना प्रतियोगीबीच आगामी २३ असारमा काठमाडौंको नाचघरमा अन्तिम प्रतिस्धर्पा हुने छ ।
यो प्रतियोगितामा प्रथम हुनेले एक लाख रुपैयाँ, द्धितीय हुनेले ५० हजार रुपैयाँ र तृतीय हुनेले ३० हजार रुपैयाँ नगद सहित ट्रफी र विभिन्न पुरस्कार पनि प्राप्त गर्ने आयोजक महेश गोदारले जानकारी गराएका छन् ।
यसरी यो अन्तिम प्रतिस्पर्धामा चयन भएका २८ जनालाई नै कक्षा ११ र १२ को अध्ययनका लागि पूर्ण छात्राबृत्ती दिईने सहयोगी संस्था हिसानका अध्यक्ष एवम् गोल्डेन गेट कलेजका प्रिन्सिपल रमेश सिलवालले बताएका छन् ।
