रिलिज चलचित्र
ब्युटी न्युज नेपाल
काठमाडौं, १५ चैत
युवा ज्योतिष हरिहर अधिकारीले नायकको भूमिका निर्वाह गरेको चलचित्र १५ चैत शुक्रबारबाट मुलुकका सिनेमा हलमा रिलिज भएको छ ।
हरिहरको शुभ लभ मुलुकका ७५ ओटा हलमा रिलिज भएको हो । यसका प्रस्तुतकर्ता प्रदीप कुमार उदयका अनुसार काठमाडौं २० र मोफसलका ५५ ओटा हलमा शुभ लभ प्रदर्शन सुरु भएको छ । यो चलचित्रको कथा पनि हरिहरकै हो ।
हरिहर अधिकारी, किष्टिन पौडेलसँगै यो चलचित्रमा रविन्द्र झा, डा. सूर्य थापा, सरोज खनाल, प्रदीप बास्तोला, राजेन्द्र राजाराम, राजाराम पौडेल, अनुज पाण्डे सहितको मुख्य भूमिका छ ।
फिल्मलाई सन्तोषबाबु लोहनीले निर्देशन गरेका हुन् । फिल्मका निर्माता उदय, लोहनी र धर्मराज शर्मा सुवेदी पनि हुन् ।
अभिमन्यु निरवीको पटकथा तथा सम्बाद रहेको यो चलचित्रमा रोशन बिक्रम भट्टराईको द्धन्द्ध निर्देशन, बनिष शाह र भुपेन्द्र अधिकारीको सम्पादन, रामेश्वर कार्कीको छायाँकन, अर्जुन पोखरेलको संगीत, रामजी लामिछानेको नृत्य निर्देशन छ ।
