ब्युटी न्युज नेपाल
काठमाडौं ३० पुष
आगामी बैशाखमा सुटिङ सुरु भएर भदौको रिलिज गर्ने भनिएको चलचित्र ‘ब्याचलर बन्टी’ अन्तत अनामोल केसी नहुने भएपछि तत्काल छायाँकन नहुने भएको छ ।
निर्माता सुदीप खड्का, निर्देशक मिलन चाम्स, अभिनेता अनमोल केसी र अनमोलका बुबा भुवन केसीले आपसी सहमतीमा अनमोल यो फिल्ममा नरहने निर्णय पाँच दिन अघि नै गरिसकेका छन् ।
यो फिल्मका लागि निर्माताले अनमोललाई ४५ लाखमा अनुबन्धित गर्दै गत भदौमै १० लाख रुपैयाँ बुझाएका थिए । छोराले ब्यचलर बन्टीमा काम नगर्ने भएपछि बुबा भुवन केसीले सो रकम फिर्ता गरेका छन् ।
आपसी सहमतीमै आफुले निर्माता सुदीप खड्कालाई सो रकम फिर्ता गरेको भुवन केसीले बताएका छन् ।
अनमोल केसीले आफ्नो चरित्र मन परेन भन्दै फिल्ममा नखेल्ने बताएपछि निर्देशक चाम्सले यो फिल्म तत्काल नगर्ने बताएका छन् । अब यो फिल्म एक वर्ष यता नबन्ने पनि उनले बताए । आफु र अनमोलबीच सम्बन्ध उस्तै राम्रो रहेको र आपसी सहमतीमै दुबै जनाले यो फिल्म नगर्ने निर्णय लिएको पनि मिलनले जानकारी गराए । मिलनले यो फिल्म नगर्नुको अन्य कारणबारे जान्न हेर्नुस यो भिडियो ः
