ब्युटी न्युज नेपाल
काठमाडौं, ३० मंसिर
निर्देशक वसन्त निरौलाले नयाँ चलचित्र दशमीको निर्माण घोषणा गरेका छन् । भक्तपुरको सूर्य विनायक मन्दिरमा यो चलचित्रको स्क्रिप्ट पूजा गर्दै उनले दशमी निर्माणको घोषणा गरेका हुन् ।
चलचित्रको लेखक दिलीप रानाभाट हुन् । चलचित्रको निर्मातामा राजाराम बुढाथोकी, समीर पण्डित, सौगात पण्डित, पदम तामाङ र भीमप्रसाद आचार्य रहेका छन् ।
विजय बस्याल कार्यकारी निर्माता रहेको चलचित्रको प्रोडक्शन म्यानेजर दिलीप पन्त रहेका छन् । रेड आई फिल्म्स र रोमन फिल्म्सको प्रस्तुति रहने रहने चलचित्रमा राजकुमार पण्डितको लगानी रहनेछ ।
यो चलचित्रको घोषणा गरिए पनि कलाकारको चयन भने भएको छैन । निर्देशक निरौलाले चलचित्र दसैँको फूलपातीका दिन रिलिज हुने बताएका छन् । टिकको दिन दशमी हुने भएकाले यसको नाम पनि उनले दशमी राखेका रहेछन् ।
