१२ गाउँको कसो कसोमा समीर सोनुको रोमान्स

ब्युटी न्युज नेपाल
काठमाडौं, ७ असोज

यही २४ असोज फुलपातीको दिन रिलिज हुने नेपाली चलचित्र ‘१२ गाउँ’को दोश्रो गीत कसो कसोको भिडियो बुढासुब्बा डिजिटलबाट सोमबार रिलिज भएको छ ।

यो रोमाञ्चक भावको गीतमा चलचित्रका मुख्य अभिनेता समीर भट्ट र अभिनेत्री सोनु चन्द्रपालको अभिनय रहेको छ । यो गीतमा यी दुइको प्रेम सम्बन्ध देखाईएको छ । गीत माधुर्य बनेको छ ।

यो गीतलाई सुवास चन्द्र ढुँगेलले लेखेका हुन् । जसमा निरज सिंहको संगीत रहेको छ । गीतमा सुगम पोखरेल र सदीक्षा कट्टेलको स्वर रहेको छ ।

यो गीतको भिडियो पनि त्यत्तिकै आकर्षक बनेको छ । भिडियोमा समीर र सोनुको प्रेमसम्बन्ध ससक्त देखिन्छ ।

यो चलचित्रलाई अग्रज अभिनेता बिराज भट्टले निर्माण तथा निर्देशन गरेका हुन् । समीरले यही चलचित्रबाट नायकको रुपमा नेपाली चलचित्रमा अभिनेताको रुपमा डेब्यु गर्दैछन् । चलचित्रमा समीर, बिराज, सोनुसँगै दीया मास्के, मुरली धर, सनिशा भट्टराई, नरेन खड्का, न्यान्सी खड्का। स्टन्ट शिल्भा, सन्तोष सरकार, कनिज कोईराला, सुलेमान सँकर (इकु) कालु राना, अर्जुनजँग शाही, किशो भट्टलगायतको शिर्ष भूमिका छ ।