ब्युटी न्युज नेपाल
काठमाडौं, ३१ असार
चलचित्र ‘तेल भिसा’को फस्ट लुक्स (पोष्टर) सार्वजनिक गरिएको छ । चलचित्र निर्देशक शंकर घिमिरेको निर्देशनमा निर्माण भैरहेको यो चलचित्रको आईतबार फस्ट लुक्स सार्वजनिक गरिएको हो । फस्ट लुक्ससँगै यो चलचित्रको रिलिज मिति परिवर्तनको जानकारी समेत गराईएको छ । यसअघि भदौ २९ गते रिलिज हुने भनिएको सिनेमा अब मंसिर ७ गतेबाट प्रदर्शनमा आउने छ । सिनेमाको लागि उपयुक्त मिति लागेर नै यो मितिमा ‘तेल भिसा’ रिलिज घोषणा गरिएको निर्देशक घिमिरे बताउँछन् ।
यो चलचित्रको सार्वजनिक पोस्टरमा अभिनेता विपिन कार्कीलाई दोहोरो भुमिकामा प्रस्तुत गरिएको छ । उनलाई जवान र बृद्ध गरी दुई फरक लुक्समा देखिएको छ ।
पोस्टरमा अभिनेत्री वर्षा राउत, ऋचा घिमिरे र पुजा लामाका साथमा केही विदेशी कलाकारलाई देख्न सकिन्छ । सिनेमामा बुद्धि तामाङको पनि मुख्य भुमिका रहेको छ ।
पहिलो चरणको छायांकन केही समय अगाडी अमेरिकामा सकिएको थियो । आज सोमबारबाट चितवनमा दोस्रो चरणको छायांकन सुरु भएको छ ।
वेलडन क्रियसनको व्यानरमा ऋचा घिमिरेको प्रस्तुती रहेको सिनेमामा अनिश पाण्डे र शिवराज कार्कीको लगानी रहेको छ । प्रिन्स युवराज कार्की र श्रुती दाहाल कार्यकारी निर्माता रहेको तेल भिसामा सुशन प्रजापतिको छायांकन, रामजी लामिछाने र शिशिर खातीको कोरियोग्राफी, आशिष अविरल, कल्याण सिंह र कृष्ण भारद्धाजको संगीत र अजय खड्काको सम्पादन रहनेछ ।
