ब्युटी न्युज नेपाल
काठमाडौं, १० असार
सुरज सिंह ठकुरीले केही हप्ता अघि कान्तिपुर टेलिभिजन छाडे । उनले सञ्चालन गर्दै आएको एउटा बौदिक कार्यक्रम ‘इट्स माई शो’ यतिबेला मिडिया जगतमा बदनाम भएको छ । यो कार्यक्रम युट्युव च्यानलमा राखेको दुई दिनमा २ हजार भन्दा बढी विरोधपूर्ण टिप्पणी आएका छन् । अधिकाँसले यो कार्यक्रमले अभिनेता अनमोल केसी र अभिनेत्री जसिता गुरुङको मर्यादामा आँच पुर्याएको भन्दै कार्यक्रम रोक्न माग गरेका छन् ।
यो कार्यक्रमलाई मोडल ओसिन सिटौलाले यसै सातााबाट सञ्चालन गरेकी थिईन् । ओसिनको पहिलो शो मै दुई अभिनेत्री स्वस्तिमा खड्का र साम्राज्ञी राज्यलक्ष्मी शाह अतिथि बक्ता थिए । बज्र अर्थात घन्टी थिचेर जवाफ दिनुपर्ने एउटा राउन्डमा स्वस्तिमाले अनमोल केसीको दुई जना प्रेमिका भएको दाबी सहित जवाफ दिईन् ।
उनले अनमोल केसीको दुई गर्लफ्रेन्डको रुपमा अभिनेत्री आना शर्मा र मोडल अस्मी श्रेष्ठ भएको बताईन् । यो कुरालाई अभिनेता अनमोल केसीले खण्डन गरेका छन् । अनमोलले अहिलेसम्म पनि आफ्नो प्रेमिका अर्थात गर्लफ्रेन्ड नभएको दाबी गर्दै आएका छन् । अन्तरवार्ताकै क्रममा अनमोलसँग अर्की अभिनेत्री जसिता गुरुङलाई पनि यो शोमा बदनाम गरिएको छ । यही कार्यक्रममा अभिनेत्री जसिताले प्रदीप खड्का, धिरज मगर र अनमोल केसीसँग डेट गरिसकेको भनेर अभिनेत्री साम्राज्ञीले दाबी गरिन् । ओसिनले धिरज र अनमोलसँग डेट गरिरहेको नायिकाको भनेर प्रश्न गर्दा स्वस्तिामाले पनि जसिताकै नाम लिईन् ।
यसरी यो कार्यक्रममा दुई अभिनेत्री र कार्यक्रमकी सञ्चालक ओसिनले अनमोल र जसितालाई लक्षित गरेर उनीसहरुको चरित्र हत्या गरेका छन् ।
यस विषयमा अनमोल केसी र जसिता गुरुङ दुबैले प्रेस काउन्सिलमा कान्तिपुर टेलिभिजन, दुई अभिनेत्री र कार्यक्रम सञ्चालक ओसिन सिटौलाबिरुद्ध मानहानी मुद्धा हाल्ने तयारी गरिरहेको अनमोल र जसिताको परिवारले जनाएका छन् । न्यायको लागि प्रेस काउन्सिल जानेमा अनमोल र जसिता पनि राजी भएको उनीहरुका परिवारले जनाएका छन् । यो समाचार तयार पार्दासम्म कान्तिपुर टेलिभिजन, ओसिन सिटौला, स्वस्तिमा खड्का र साम्राज्ञी कसैले पनि आफ्नो गल्ती स्विकारेका छैनन् ।
यता अभिनेत्री जसिता गुरुङसँग धिरज मगर र प्रदीप खड्काले पनि डेट गरेको दाबी यी अभिनेत्रीहरुको छ । यो विषयमा धिरज र प्रदीपको पनि प्रतिक्रिया आउने सम्भावना छ ।
कान्तिपुर टेलिभिजनमा प्रशारित ओसिन सिटौलाको कार्यक्रमको भिडियो लिँक यस्तो छ :-
