ब्युटी न्युज नेपाल
काठमाडौं ३० चैत्र
रामबाबु गुरुङ निर्देशित ’डिग्री माइला’ शुक्रबारबाट नेपाल सहित अमेरिका अष्ट्रेलियालगायतका देशमा रिलिज गरिएको छ । यो चलचित्र मुलुकका १०० भन्दाबढी हलमा रिलिज भएको निर्माण पक्षले जनाएको छ । यो चलचित्रको रिलिज अघि बिहीबार साँझ काठमाडौंको बिग मुभिजमा भएको प्रिमियर गरियो । प्रिमियरमा यो चलचित्रले सकरात्मक प्रतिक्रिया पाएको छ ।
भव्यरुपमा आयोजित सिनेमाको प्रिमियर हेर्न नेपाली फिल्मीकर्मी, कलाकार, पत्रकार तथा नेता बिग मुभीज पुगेका थिए। प्रिमियरमा बिग मुभिजका तीनवटै हल भरिभराउ थिए। हलभित्र ज्यादा भीड नहोस् भने निर्माणपक्षले सिनेमा प्रिमियरको औपचारिक समारोह बाहिर रहेको फुड कोटमा गरेको थियो।
सिनेमालाई लिएर ’डिग्री माइला’ युनिट त उत्साहित छँदै थिए, प्रिमियरमा पुगेका निम्तालुहरुमा पनि सिनेमालाई लिएर कम उत्सुक्ता थिएन। उनीहरु सबै सिनेमा हेर्न उत्साहित देखिन्थे। सिनेमा हेरेपछि ’जारी’मा दयाहाङको जोडी बनेकी अभिनेत्री मिरुना मगरले सिनेमा राम्रो बनेको प्रतिक्रिया दिइन्।
’एकदमै राम्रो लाग्यो मलाई। सुरुमा हाँसिराख्दा र रमाइलो हुँदाहुँदै अन्त्यसम्म आइपुग्दा जुन एउटा नेपाली युवाहरुले सामना गरिरहनुपरेको कुरा जुन देखाइएको छ, त्यसले एकदमै मन छोयो’, उनले भनिन्। उनले अभिनेत्री आँचल शर्माको प्रशंसा गरिन्।
’आँचलजीको काम एकदमै रिफाइन लाग्यो । पूरा टिम हेर्दा आफ्नै लाग्यो तर आफूलाई मिसचाँहि गरिन’, उनले थपिन्। मिरुनासँगै फ्रेममा रहेकी अभिनेत्री लुनिभा तुलाधरले ’डिग्री माइला’ टोलीका लागि सम्मान व्यक्त गरिन्। उनले हसाउँन माहिर भन्दै निर्देशक रामबाबु गुरुङको प्रशंसा गरिन्।
’उहाँले राम्रोराम्रो कलाकारहरुलाई व्यवस्थापन गरेर एक ठाउँ राखेर निर्देशन गर्नुहुन्छ। उहाँसँग त्यो कला छ। एउटा निर्देशक राम्रो व्यवस्थापक हुनुपर्छ। यसका लागि मैले सम्मान गर्नैपर्छ’, उनले भनिन्। उनले नयाँ वर्षमा हेर्नलायक सिनेमामा भएको जनाउँदै सिनेमामा दर्शकहरुले आफूलाई जोड्नसक्ने बताइन्।
यसैगरी ’लुट’ अभिनेत्री श्रृजना सुब्बाले सिनेमाको अन्तिम दृश्यले गर्दा आफूलाई मनमा केही नबलौं जस्तो लागेको बताइन्। ’एकदमै मन कस्तो भारी भइराख्यो। रामबाबुको राम्रो पक्षचाँहि एकदमै गहन कुराहरुलाई रमाइलो तरिकाले प्रस्तुत गर्दै एकदमै सजिलो तरिकाले बुझाउने तरिका एकदमै राम्रो छ। कबड्डीमा जुनप्रकारको थियो, त्यो हिट पनि भयो। योचाँहि मलाई झन् एकदमै मनप¥यो। उहाँ काममा बढोत्तरी भइरहेको पाएं’, उनले भनिन्। यस्तै उनले दयाको काम र भूमिकाको तारिफ गरिन्।
’म दयालाई यस्तै क्यारेक्टरमा हेर्न चाहन्थे। उसको यस्तो पात्रहरु भइदियोस जस्तो लाग्थ्यो। अरु सबैको काम मनप¥यो। मलाई एकछिन नबोलुँम नबोलूँम जस्तो बनायो।’
यसैगरी सिनेमाका शीर्ष पात्र दयाहाङ पनि सिनेमासँग खुशी देखिए। उनले पूरै सिनेमा आफूले पनि पहिलोपटक हेरेको बताउँदै सबै कलाकारको अभिनय मनपरेको भने। ’मैले आफूलाई एकदमै इमानदार भएर हेर्ने कोशिस गरें । हामीले जो मेहेनत ग¥या छटं, त्योचाँहि छर्लगै देखिन्छ’, उनले भने। दयाले ’डिग्री माइला’को कथा ’कबड्डी’ सिरिजभन्दा धेरै अगाडिको योजना भएको स्मरण गर्दै ’कबड्डी’को प्रभावबाट निर्देशक रामबाबु पर रहेको र कथा वाचन फरक भएको बताए।
अभिनेत्री आँचलले आफूलाई सिनेमा मनपरेको बताइन्। दयाले अभिनेत्रीका हिसाबले आँचलको तारिफ गरें। ’मचाँहि खुशी छु, पहिलोपटक स्क्रिन साझा गरिरहँदाचाँहि मैले उसको अभिनयमा परिपक्वता छर्लगैं देखिन्छ’, दयाले भने।
दयाहाङ राई तथा आँचल शर्माले पहिलोपटक सँगै काम गरेको सिनेमाले डिग्री हासिल हुनुको अहमताले भरिएको पात्र र समाजले ऊसँग राखेको अपेक्षाबीचको घर्षणको कथा प्रस्तुत गरिएको छ ।
