ब्युटी न्युज नेपाल
काठमाडौं, १९ फागुन
अभिनेत्री नन्दिता केसी बैबाहिक सम्बन्धमा बाँधिएकी छिन् । काठमाडौंको शंकर होटलमा अभिनेत्री नन्दिताले चिकित्सक अरविन्द्र कटवालसँग आज पारिवारिक जमघट बीच बिहे गरेकी हुन् । अभिनेत्री नन्दिताको यो मागी विवाह हो । पछिल्लो एक दशकदेखि अमेरिकामा बस्दै आएकी नन्दिता र चिकित्सब अरबिन्द्रले ६ महिना अघि क्यानडामा इँगेजमेन्ट गरेका थिए । दुबै जना अमेरिकामा बस्दै आए पनि उनीहरुले विवाह भने आज काठमाडौंमा गरेका हुन् ।
नन्दिताको विवाहमा केही आफन्त सहित चलचित्र अभिनेता भुवन केसी, दीपाश्री निरौला, दीपकराज गिरी, निर्मल शर्मा, सरिता लामिछानेसहित विभिन्न चलचित्रकर्मीहरु उपस्थित थिए ।
अभिनेत्री नन्दिताका पति अरबिन्द्र मुटु रोग विशेषज्ञ हुन् । उनी अमेरिकाको नर्थ क्यारोलिनमा बस्दै आएका छन भने उनका परिवार काठमाडौंमा रहेका छन् ।
अभिनेत्री नन्दिताले चलचित्र ‘इन्द्रेणी’बाट नेपाली चलचित्र उधोगमा नायिकाको रुपमा डेब्यु गरेकी थिईन् । लक्ष्मी प्रसाद ढकाल निर्मित चलचित्र इन्द्रेणीमा नन्दिता सहित सात जना नायिका थिए । फिल्म क्षेत्रमा पाइला चालेकी थिइन् । यसपछि, उनले पराई, योद्धा, बाटो मुनीको फुल, बलबान, छोरीको कर्म, सपना, तिमी मात्र तिमीसहित करिब ३० वटा चलचित्र र विभिन्न म्युजिक भिडियोमा काम गरिन् ।
उनी पछिल्लो समय अमेरिकामा कुशल ब्युटिसियन तथा नेल टेक्निसियनको रुपमा सक्रिय छिन् । ब्युटी न्युज नेपालका तर्फबाट नन्दितालाई बैबाहिक जीवनको शुभकामना ।
