ब्युटी न्युज नेपाल
काठमाडौं, १३ फागुन
शुक्रबारबाट देशव्यापी रिलिजमा आएको ऐतिहाँसिक नेपाली अन्तराष्ट्रिय चलचित्र गोर्खा वारियरलाई दर्शकले रुचाएका छन् । नेपालमा यो चलचित्र प्रदर्शन भईरहेको बेला बलिउड अभिनेता अनुपम खेरले पनि यो चलचित्रको ट्रेलर आफुलाई निकै मन परेको बताएका छन् ।
उनले गोर्खा वारियरको ट्रेलर मन प¥यो भन्दै आफ्ना अफिसियल इन्टाग्राममा चलचित्र गोर्खा वारियरको पोष्टर शेयर गरेका छन् । पोष्टरमा उनले ‘लभ्ड द ट्रेलर नेपाल , २ मिलन चाम्स’ लेखेका छन् । गोर्खा सैनिकले सन १९४९ मा मलयामा गरेको इमरजेन्सी जँगल युद्धमा कथामा निर्मित यो चलचित्रको ट्रेलर हेरेर अभिनेता अनुपम खेरले आईतबार दिउँसो १२ बजे आफ्नो आफिसियल इन्टाग्राम पेजको स्टोरीमा गोर्खा वारियरको पोष्टर शेयर गरेका हुन् ।
आफ्नो कामलाई प्रसँसा गर्दै बलिउडका बरिष्ट अभिनेता अनुपम खेरले पोष्टर सार्वजनिक गरेको यो चलचित्रका निर्देशक मिलन चाम्सले उनी प्रति कृजज्ञता जाहेर गरेका छन् । यो खबरले आफुलाई खुसी लागेको उले बताएका छन् ।
यो चलचित्रको प्रदर्शनको तेश्रो दिन आईतबार पनि उत्साहजनक व्यापार रहेको छ । काठमाडौं बिग, वान सिनेमालगायत क्युएफएक्सका थुप्रै हलमा हाउसफुल भएको यसका वितरण सँयोजक करण क्रेजीले बताएका छन् । यो चलचित्रबाट डेब्यु गरेको अभिनेता रितेस चाम्सले आफ्नो कामको दर्शकबाट सकरात्मक प्रतिक्रिया पाएकोमा खुसी व्यक्त गरेका छन् । अभिनेत्री रेविका गुरुङले पनि दर्शकबाट अहिले पर्याप्त मायाँ पाएको बताएकी छिन् ।
बेलायत सहित काठमाडौं, धरान र पोखरामा भव्य रेक कार्पेट प्रिमियरपछि यो चलचित्र रिलिज गरिएको हो । चलचित्रमा रेविका गुरुङ, रितेश चाम्ससँगै विजय लामा, कविता आले, रिअर राई, सुरज तमु, भुवनसिं राई, त्रिछु राई, दिग्गज खत्री लगायतको कलाकारहरुको अभिनय रहेको छ ।
चलचित्रलाई प्रशान्त थापा, राजेन्द्र घिमिरे, सुरेश राई, ज्योतिराज राई, सुमी राई, निर्मला राई परिवेश, नितम राईले संयुक्त रुपमा निर्माण गरेका छन् । निर्माताको रुपमा सुमन राई र सुस्मिता वाईवा रहेकी छिन् । चलचित्रमा एलिश कार्की र सुरेश राईको संगीत रहेको छ भने रवीन्द्र न्यौपाने र बाबु श्रेष्ठले खिचेका हुन् । चलचित्रको पटकथा, संवाद तथा लेखन निर्देशक चाम्स र गीरिराज घिमिरेको रहेको छ ।
