ब्युटी न्युज नेपाल
काठमाडौं, ११ फागुन
अभिनेत्री रेखा थापा आमा बनेकी छिन् । उनले आफ्नो पहिलो सन्तान अमेरिकामा जन्माएकी छिन् । धेरै वटा चलचित्रमा आमा बनेकी रेखा थापा बास्तविक जीवनमा बल्ल आमा बनेकी छिन् । रेखा थापाले छोरीलाई जन्म दिएकी छन् । अमेरिकाको कोलोराडोको अस्पतालमा उनले आफ्नो पहिलो सन्तानलाई जन्म दिएकी हुन् । छोरीको नाम वैभवी राज्यलक्ष्मी शाही ठकुरी राखिएको छ ।
आफु आमा बनेको खुसीमा अभिनेत्री रेखा थापाले यस्तो भनाई लेख्दै फेसबुकमा आफु, श्रीमान र छोरीको तस्बिर शेयर गरेकी छिन् । उनले फसबुकमा यस्तो लेखेकी छिन्,‘हेर आकाशमा कालो बादल वरिपरि चाँदीको घेरा छ, हेर धर्तीमा तिमी जन्मनुको महान् कारण छ । वैभवी राज्यलक्ष्मी शाही ठकुरी ।,’
आफ्नी छोरी वैभवीको तौल साढे चार किलो रहेको र छोरी पूर्ण रुपमा स्वास्थ्य रहेको अभिनेत्री रेखाले बताएकी छिन् । पति बलरामका अनुसार अभिनेत्री रेखाको स्वास्थ्य अबस्था पनि राम्रो छ ।
अभिनेत्री रेखा थापा निर्मित तथा अभिनित चलचित्र उपहार यही फागुन २५ गतेबाट नेपालमा रिलिज हुँदैछ । उनी अमेरिकामा रहेका कारण चलचित्रको प्रचार प्रसारमा प्रभाव परेको बताईएको छ । अभिनेत्री रेखा आफ्नी नव सन्तानसँग आगामी नयाँ वर्षको छेका पारेर नेपाल फर्कन सक्ने उनका परिवारले जनाएका छन् ।
अभिनेत्री रेखा थापाले विवाह गरेको दुई वर्षपछि सन्तान जन्माएका हुन् । उनले इजरायल बस्दै आएका जाजरकोटका बलराम शाहीसँग २०७८ साल माघको अन्तिम साता अदालती विवाह गरेकी थिईन् । विवाहपछि बलराम र रेखा नेपालमा सँगै बस्दै आएका थिए । दुबैको अमेरिकाको मल्टीपल भिसा भएका कारण रेखा र बलराम आफ्नो पहिलो सन्तान जन्माउन गत महिना अमेरिका गएका थिए ।
पहिलो सन्तानको लागि अभिनेत्री रेखा थापा र ब्यबसायी बलरामलाई ब्युटी न्युज परिवारको तर्फबाट हार्दिक बधाई ।
