ब्युटी न्युज नेपाल
काठमाडौं ४ फागुन
नेपाली चलचित्र ‘द अन ब्रेकेबल अगस्त्यः च्याप्टर १’ को ट्रेलर सार्वजनिक गरिएको छ । बिहीबार ललितपुरमा एक कार्यक्रम आयोजना गर्दै यो चलचित्रको ट्रेलर सार्वजनिक गरिएको हो । यो फिल्मको ट्रेलरमा अपराध र द्धन्द्धलाई विशेष स्थान दिईएको छ । सौरभ चौधरी लिखित तथा निर्देशित यो उनको महत्वकाँक्षी सिनेमा हो ।
३ मिनेटको ट्रेलरमा एक्सन अभिनेता द्धय सौगात मल्ल र नाजिर हुसेनको फरक फरक शारीरिक अबस्थाको चरित्रका आरोहण अबरोहणले महत्व पाएको छ । ट्रेलरमा मानसिक सन्तुलन गुमेको चरित्रमा सौगात छन् । सौगातको साथीको रुपमा नाजिर छन् । नेपाल भारतको सिमा क्षेत्रमा हुने विविध अपराधको कथामा केन्द्रित यो चलचित्रको ट्रेलरले पनि सोही कुरा सँकेत गर्छ । प्रेमद अग्रहरीलाई जमिनदार र निश्चल बस्नेतलाई चतुर पात्रको रुपमा ट्रेलरमा देखाईएको छ । यो चलचित्र फागुन १८ बाट रिलिज हुँदैछ ।
डार्क हर्स इन्टरटेन्मेन्ट र सेभेन सिज इन्टरटेन्मेन्टको प्रस्तुतिमा तयार भएको फिल्ममा प्रकाश मल्ल, अनिष तामाङ र विनोद पौडेलको लगानी छ। फिल्ममा संजय लामाको छायांकन, निमेष श्रेष्ठको सम्पादन, श्री श्रेष्ठको एक्सन, कविराज गहतराजको कोरियोग्राफी छ । यस्तै फिल्ममा सौरभ शर्मा र भास्कर स्वाँरको व्याकग्राउन्ड स्कोर रहेको छ ।
विश्व गौचन र अभिषेक चौधरी कार्यकारी निर्माता रहेको फिल्ममा सौगात मल्ल, नाजिर हुसेन, मलिका महत, प्रमोद अग्रहरी, निश्चल बस्नेत, बेन बस्नेत, विजय बराल, रवीन्द्र झा, शिशिर बाङ्देल, सिम्रन खड्का, प्रकाश दाहाल, प्रदीप ढकाल, गजेन्द्र त्रिपाठी, सचिन चन्द्र लगायतका कलाकारको अभिनय छ ।
तस्बिर : बद्री थापा/ब्युटी न्युज नेपाल
