ब्युटी न्युज नेपाल
काठमाडौं, १४ माघ
अभिनेता सौगात मल्लले आफुलाई चलचित्रमा फरक काम गर्न पाउँदा निकै रमाईलो लाग्ने बताएका छन् । फिल्म अगस्त्य च्याप्टर १ को टिजर रिलिज समारोहमा उनले यस्तो बताएका हुन् । उनले आगामी फागुन १८ गते रिलिज हुने फिल्म अगस्त्य च्याप्टर १’ डेढ महिनामै २० केजीसम्म .तौल बढाएर त्यसलाई फेरी आफुले घटाउन सकेको बताएका छन् ।
अर्का अभिनेता नाजिर हुसेनले लामो समयपछि आफु फिल्ममा आएको र त्यसका लागि पत्रकारसँग अन्तरक्रिया गर्न पाउँदा अझ रमाईलो लागेको बताए । ललितपुरस्थित क्युएफएक्स लबिम मलमा कलाकारको उपस्थितिमा टिजर सार्वजनिक कार्यक्रममा यो चलचित्रका अभिनेता प्रमोद अग्रहरी, रबिन्द्र झालगायतले फिल्ममा काम गर्दाको अनुभव सुनाए ।
यो चलचित्रको आईतबार सार्वजनिक गरिएको एक्सन प्रधान दुई मिनेटको टिजरमा सौगातलाई प्रेमीदेखि ग्याङस्टार हुँदै सडकमा पुगेको अवस्थासम्म देखाइएको छ । सिनेमामा अपराधको सृँखला नै प्रस्तुत गरिएको यो टिजरले जनाएको छ ।
सौरभ चौधरी निर्देशित फिल्ममा सौगात मल्ल, नाजिर हुसेन, निश्चल बस्नेत, मलिका महत्त, प्रमोद अग्रहरी, बेन बस्नेत, विजय बराल, रवीन्द्र झा, शिशिर बाङ्देल, सिम्रन खड्का, प्रकाश दाहाल, प्रदीप ढकाल, गजेन्द्र त्रिपाठी, सचिन चन्द्र लगायतका कलाकारको अभिनय छ ।
फिल्ममा निर्मातामा प्रकाश मल्ल, अनिश तामाङ र विनोद पौडेल रहेका छन् । विश्व गौचन र अभिषेक चौधरी कार्यकारी निर्माता रहेको फिल्मको टिजरलाई पूर्ण रुपमा व्यावसायिक शैलीमा तयार पारिएको छ ।
संजय लामाको छायांकन रहेको फिल्ममा निमेष श्रेष्ठको सम्पादन, कविराज गहतराजको कोरियोग्राफी, श्री श्रेष्ठको एक्सन, एस डी योगीको संगीत छ ।
