ब्युटी न्युज नेपाल
काठमाडौं, १ भदौ
चलचित्र ‘जय हो’ यही ८ भदौबाट रिलिज हुँदैछ । यो चलचित्रको तेस्रो गीत ‘सपनाको वेडिङ्ग’मा हिजो बिहिबार रिलिज भएको छ । यो गीतमा शब्द, संगीत तथा स्वर अभिनेता सलोन बस्नेतकै रहेको छ । रोमान्टिक फ्लेवरमा तयार पारिएको गीतको अडियो र भिडियो रमाईलो बनेको छ । स्वर भन्दा पनि धुम्ब तालको सुन्दरताले भिडियो अझ राम्रो देखिएको छ ।
गीतमा अभिनेता सलोन बस्नेत र अभिनेत्री केकी अधिकारीको प्रेममा नोकझोक प्रस्तुत गरिएको छ । रिसाएकी प्रेमिका केकीलाई सलोनले यो गीतमा फकाएका छन् ।
जय होमा सलोन र केकीसँगै माओत्से गुरुङ, निशा अधिकारी, अर्पण थापा, सुमिन गुरुङ, सुशान्त श्रेष्ठलगायतको मुख्य भूमिका छ ।
जसमा सुरेश न्यौपानेको कथा लेखन, सौरभ लामाको छायांकन, बरिष्ट संगीतकार शम्भुजित बाँस्कोटा, सागर आले मगर र सलोन बस्नेतको संगीत रहेको छ । सुरज ल्वागन (सरकार) र राज के अधिकारीको लगानी रहेको यो चलचित्रमा शोभित बस्नेत प्रस्तुतकर्ता रहेका छन् ।
सिनेमालाई टेक पौरखी राईले निर्देशन गरेको यो फिल्ममा सम्राट बस्नेतको द्वन्द्व निर्देशन, कविराज गहतराज र रामजी लमिछानेको कोरियोग्राफी, बनिश शाहको सम्पादन र समीर मियाँको भीएफएक्स छ ।
सलोन सलिना फिल्म्सको व्यानरमा निर्माण भएको सिनेमाको मुख्य सहायक निर्देशक दिप्त प्रकास अधिकारी, प्रोडक्सन डिजाइनर केबलमान सिङ बस्नेत र प्रोडक्सन हेड समीर खान हुन् ।
