ब्युटी न्युज नेपाल
काठमाडौं, २७ साउन
दुई साता अघि चलचित्र तेल भिसामा आबद्ध भएका अभिनेता विपिन कार्की यतिबेला फेरी अर्को नयाँ चलचित्र ‘काजी’मा अनुबन्धित भएका छन् । यो चलचित्र एक महिनापछि अर्थात आगामी भदौको चौथो साताबाट छायाँकनमा जाने भएको छ ।
यो चलचित्रमा अभिनेता विपिन ‘काजी’को भुमिकामा देखिने निर्माण पक्षले जनाएको छ । यो फिल्ममा यस अघि आर्यन सिग्देल हुने भनिए पनि अन्तत विपिन नै अनुबन्धित भएका छन् ।
यो चलचित्रलाई लक्ष्मण रिजालले निर्देशन गर्ने भएको छन् । चलचित्रको नायिकामा बर्षा सिवाकोटी अनुबन्धित भएकी छिन् । सिनेमामा विजय बराल, बुद्धि तामाङ, सुमन कार्की र कैलाश कार्कीको पनि अभिनय रहनेछ ।
यो चलचित्र रिजाल एन्ड रिजाल प्रोड्क्सनको ब्यानरमा निर्माण हुने भएको छ । जसमा रामप्रसाद रिजाल निर्माता रहेका छन् । सिनेमाको छायांकन करिब १ दशकअघिको बेलायती परिवेशमा गरिने जनाइएको छ । निर्माण अगावै आगामी चैत ३० गतेलाई सिनेमाको प्रदर्शन मिति समेत घोषणा गरिसकिएको छ ।
