ब्युटी न्युज नेपाल
काठमाडौं, २३ साउन
चलचित्र जय हो को ट्रेलर रिलिज भएको छ । चलचित्र जय हो यही ८ भदौबाट देशव्यापी सिनेमा हलमा रिलिज हुँदैछ । अष्ट्रेलियाको रकडेलस्थित थर्डआई फंक्सन सेन्टरमा आयोजित एक कार्यक्रमका बीच जय हो को ट्रेलर सार्वजनिक गरिएको हो । निर्माताद्धय सुरज ल्वागुन (सरकार) र राज के अधिकारीको व्यबस्थापनमा अभिनेता सलोन बस्नेत र आमेष भण्डारीलगायतको आतिथ्यतामा यो चलचित्रको ट्रेलर रिलिज गरिएको हो ।
यो चलचित्रको अभिनेता सलोन बस्नेत यतिबेला जय होको रिलिज चाँजोपाँचो मिलाउन अष्ट्रेलियामा छन् । उनी अर्को साता मात्र नेपाल फर्कने छन् । यो चलचित्रमा सलोन बस्नेतसँगै केकी अधिकारी, माओत्से गुरुङ, निशा अधिकारी, अर्पण थापा, सुमिन गुरुङ, सुशान्त श्रेष्ठलगायतको मुख्य भूमिका छ ।
ट्रेलरमा सलोन, केकी र अर्पण बीचको त्रिकोणात्मक प्रेम सम्बन्ध देखाईएको छ । एउटा पुरुष मन नपरेपछि त्यसबाट पन्छिन नारीले यौन नपुँसकताको ट्याग लगाउने प्रसँग यो सिनेमाको ट्रेलरमा छ । सिनेमा सस्पेन्स थ्रिलर कथामा केन्द्रित भएकाले ट्रेलरबाट जय होको कथा बुझन सकिँदैन ।
सिनेमामा सुरेश न्यौपानेको कथा लेखन, सौरभ लामाको छायांकन, शम्भुजित बाँस्कोटा र सागर आले मगरको संगीत छ । यो चलचित्र सलोन सलिना फिल्म्सको व्यानरमा निर्माण भएको हो ।
सिनेमामा सम्राट बस्नेतको द्वन्द्व निर्देशन, कविराज गहतराज र रामजी लमिछानेको कोरियोग्राफी, बनिश शाहको सम्पादन र समीर मियाँको भीएफएक्स छ ।
