ब्युटी न्युज नेपाल
काठमाडौं, ९ साउन
चलचित्र ‘जुलेबी’ को टिजर सार्वजनिक गरिएको छ । यो चलचित्र भाद्र १ गतेबाट देशभर प्रदर्शनमा आउने भएको छ । रिलिजको तिथि तीन साता बाँकी हुँदा यसको टिजर सार्वजनिक गरिएको हो । सार्वजनिक एक मिनेट दश सेकेन्ड लामो टिजरमा लभ र रोमान्स र सेक्स जन्य दृश्यहरुलाई बिशेष स्थान दिइएको छ ।
फिल्मको टिजर हेर्दा यसका सबैजसो महिला पात्रहरु यौन कुन्ठित देखिन्छ । उनीहरुको यौन कुन्ठा प्रस्तुतिमै फिल्मको टिजर रुमलिएको छ । यो टिजरले पनि जुलेवी यौन मनोविज्ञानमा आधारित सिनेमा हो भन्न सकिन्छ ।
यो फिल्मलाई आभा शर्मा नेपालले निर्माण गरेकी हुन् । फिल्मका मुख्य जना जना नायिकाहरु नै यौन केन्द्रित देखिएका छन् । यो फिल्मले तीन घटनालाई चित्रण गर्ने कार्यकारी निर्माता नवीन भट्टले जानकारी दिए ।
एन्थोलोजी जनरामा निर्माण भएको चलचित्रमा उषा रजक, सुरक्षा पन्त, निशा अधिकारी, मोनिका थापा, सुशील सिटौला, पुष्कर कार्की, तुफान थापा लगायत कलाकारको अभिनय रहेको छ ।
फोर क्युब इन्टरटेन्मेन्टको ब्यानरमा निर्माण भएको चलचित्र गणेशदेव पाण्डेले निर्देशन गरेका हुन् । यसमा विवेक खड्काको छायाङ्कन र अन्जय खड्काको सम्पादन रहेको छ ।
