ब्युटी न्युज नेपाल
काठमाडौं, ६ चैत
चैत २ देखि सुरु भएको छैटौं नेपाल अन्तर्राष्ट्रिय चलचित्र महोत्सव (निफ) नेपाली फिल्म तर्फ ‘ऐना झ्यालको पुतली’लाई उत्कृष्ट घोषणा गर्दै सम्पन्न भएको छ । सो चलचित्र निर्माता रामकृष्ण पोखरेलले ग्रहण गरे ।
यस्तै नेपाली फिल्म तर्फ चलचित्र प्रकासबाट प्रदिप खड्का र दिया मास्के उत्कृष्ट अभिनेता तथा अभिनेत्री घोषित भएका छन् ।
समापन कार्यक्रममा संस्कृती, पर्यटन तथा नागरिक उड्डयन मन्त्री सुदन किरातीले चलचित्रको महत्वमाथि प्रकास पार्दै भने,‘सिनेमाले डिप्लोम्यासी रोल गर्छ । उनले निफलाई सक्दो सहयोग गर्ने वचन समेत दिए ।’
समापन कार्यक्रममा अभिनेत्री गौरी मल्ल, प्रियंका कार्की, नम्रता श्रेष्ठ चलचित्रकर्मीहरु प्रकास सायमी, प्रदिप खड्कासहित विभिन्न चलचित्रकर्मीको उपस्थिति रहेको थियो ।
निफका अध्धयक्ष केपी पाठकले निफ सफलताको कथा सुनाएका थिए । उनले आगामी निफ अझ शसक्त रुपमा सम्पन्ने गर्ने बताएका थिए । ३५ देसका ९५ प्रतियोगी चलचित्र प्रतियोगी रहेको फेष्टिभलमा विभिन्न विधामा १३ अवार्ड प्रदान गरिएको थियो । ५ दिनसम्म चलेको निफमा ९ वटा सेसन र तीनवटा मास्टर क्लास सम्पन्न भएका थिए । प्रो.डा. इतामी ब्रोजन (क्रोसिया), प्रेमेन्द्र मजुमदार (भारत) र लि. रान (चाइना)ले मास्टर्श क्लास सञ्चालन गरेका थिए ।
विजयी सूची :
सर्वश्रेष्ठ अन्तर्राष्ट्रिय फिचर फिल्म – अ हाउस विथ नो नेम : पातालघर (बंगलादेश)
सर्वश्रेष्ठ छायांकन – राजेश श्रेष्ठ (प्रकाश)
सर्वश्रेष्ठ पटकथा – सुजित बिडारी (ऐना झ्यालको पुतली)
सर्वश्रेष्ठ अभिनेता – प्रदीप खड्का (प्रकाश)
सर्वश्रेष्ठ अभिनेत्री – दीया मास्के (प्रकाश)
सर्वश्रेष्ठ निर्देशक – सुजित बिडारी (ऐना झ्यालको पुतली)
सर्वश्रेष्ठ निर्देशक छोटो फिल्म – प्रद्युम्न मिश्र (दुविधा)
सर्वश्रेष्ठ छोटो नेपाली फिल्म – जुन्को (मिन्सो लिम्बू)
सर्वश्रेष्ठ छोटो अन्तर्राष्ट्रिय फिल्म – द बुक (इरान)
सर्वश्रेष्ठ छोटो एनिमेटेड फिल्म – द लिजेण्ड अफ गोल्डहन (स्लोभेनिया)
सर्वश्रेष्ठ राष्ट्रिय वृत्तचित्र – द टाइगर्स ज (निर्देशक-कमल कुमार)
सर्वश्रेष्ठ अन्तर्राष्ट्रिय डकुमेन्ट्री – सोल्स अफ द फरेस्ट (इन्डोनेसिया)
सर्वश्रेष्ठ नेपाली फिचर फिल्म – ऐना झ्यालको पुतली
सर्वश्रेष्ठ अन्तर्राष्ट्रिय फिचर फिल्म – मेमोरिज अफ ग्लुमी मनसुन्स (बंगलादेश)
