ब्युटी न्युज नेपाल
काठमाडौं, ५ पुष
अभिनेता पुष्प खड्का र अभिनेत्री साम्राज्ञी राज्यलक्ष्मी शाह अभिनित चलचित्र ‘तिम्रो मेरो साथ’को ट्रेलर सार्वजनिक भएको छ । मँगलबार काठमाडौंमा पत्रकार भेटघाट आयोजना गर्दै यो फिल्मको ट्रेलर रिलिज गरिएको हो । यो चलचित्र २९ पुषबाट देशव्यापी रिलिज हुँदैछ ।
चलचित्रको ट्रेलरमा प्रेममा पुष्पबाट धोका पाएपछि साम्राज्ञीले त्यसको बदला लिएको भाव प्रस्तुत गरिएको छ । त्रिकोणात्मक प्रेमले निम्त्याको परिणाम यो फिल्मको ट्रेलरले दर्शाउँछ ।
ट्रेलर अनुसार अभिनेता पुष्पको जोडी साम्राज्ञी र नव नायिका इमिली लामासंग बाँधिएको छ । पुष्पको दुईतर्फी प्रेम र पुष्पको लागि साम्राज्ञीको एकतर्फी प्रेमले कथामा द्वन्द्व पैदा गरेको छ । चलचित्रमा सिनेमामा पुष्प, साम्राज्ञी र इमिलीसंगै सन्दीप क्षेत्री, सरोज खनाल, खड्क बहादुर पुन, दिपिशा केसीलगायतका कलाकारहरुको अभिनय छ ।
यो चलचित्रलाई रमेश एमके पौडेलले निर्देशन गरेका हुन् । करिब एक दर्जन चलचित्र निर्माण गरेपछि उनी निर्देशनमा उत्रिएका हुन् । यो चलचित्रमा सबिर श्रेष्ठको लेखन तथा कार्यकारी निर्माण रहेको छ ।
सबिर श्रेष्ठ र बाबुराम निरौलाको स्क्रिप्टमा निर्माण सिनेमामा शिव ढकालको छायांकन, सुवाष भुषाल÷योगेश काजीको संगीत, रामजी लामिछानेको कोरियोग्राफी र भुपेन्द्र अधिकारीको सम्पादन रहेको छ ।
तिम्रो मेरो साथमा पासाङ लामा, अर्नव पौडेल र आर्यन पौडेलको लगानी रहेको छ । सिनेमाको सहनिर्मातामा नीरु भण्डारी, अशोक पोखरेल, सुमन पौडेल र सुधिर पराजुली रहेका छन् ।
