ब्युटी न्युज नेपाल
काठमाडौं, १ पुष
चलचित्र डिसेम्बर फल्स यही १५ पुषबाट देशव्यापी रिलिज हुँदैछ । केही दिन अघि मात्र गीत रिलिज गरेर चर्चा कमाएको यो फिल्मको रिलिज मिति नजिकिँदै गर्दा ट्रेलर रिलिज गरिएको छ । ट्रेलर बलिउडको जत्तिकै स्तरीय र राम्रो बनेको छ । बिहिबार बेलुका काठमाडौंको विश्वज्योति सिनेमामा एक समारोहबीच यो फिल्मको ट्रेलर रिलिज गरिएको हो । ट्रेलर रिलिज समारोहमै सञ्चारकर्मीबाट यो फिल्मको ट्रेलरले प्रसँसा पाएको छ ।
चलचित्रको ट्रेलर अनुसार अभिनेत्री उपासना सिंह ठकुरी यसमा नर्सको भूमिकामा छिन् । अभिनेता आर्यन सिग्देल हनुमान भक्त देखिएका छन । उमेरले ३५ नाघ्दा पनि उनको विवाह नभएको पीडा नायिका सामु पोखिएको ट्रेलरमा उल्लेख छ । अभिनेता खगेन्द्र लामिछाने ट्रृेलरमा एक सर्टमा देखिएका छन् । उनी कुन र कस्तो भूमिकामा छन भन्ने खुलाईएको छैन ।
तथापि आर्यन र उपासनाबचिको प्रेम, रोमान्स र धोकामा ट्रेलर सक्किन्छ । फिल्मको ट्रेलर हेर्दा डिसेम्बर फल्स निकै राम्रो बनेको अनुमान गर्न सकिन्छ । फिल्मका अभिनेता आर्यन सिग्देल दुई प्रकारको गेटअपमा रहेको ट्रेलरबाट बुझिन्छ । उनी दोहोरो भूमिकामा पनि हुनसक्ने यो ट्रेलरबाट अनुमान लगाउन सकिन्छ ।
यो चलचित्रमा आर्यन र उपासनासंगै शिवहरी पौड्याल, नागेन्द्र रिजाल, सलोन बस्नेत, नरेश भट्टराई, शिशिर राणा, गीता अधिकारी, प्रभात पल ठकुरीलगायतका कलाकारहरुको अभिनय रहेको छ ।
यो चलचित्रलाई बलिउडमा समेत काम गरिसकेका प्रविण झाले निर्देशन गरेका हुन् । रामप्रसाद रिजालको प्रस्तुति रहेको सिनेमामा राजकुमार भट्टको निर्माण र लक्ष्मण रिजाल÷अशिम काफ्लेको कार्यकारी निर्माण छ ।
यो चलचित्रमा बीपीका खनालको कथा, केदार भुषाल/प्रतिक पौडेलको संवाद, पटकथा रहेको छ । जसमा श्री श्रेष्ठको द्धन्द्ध निर्देशन, महेश आर गुप्ताको छायांकन, दीपक शर्मा/कोशिस क्षत्री/सुशान्त गौतम/प्रतिक पौडेलको संगीत र बनिष शाहको सम्पादन रहेको छ ।
