ब्युटी न्युज नेपाल
काठमाडौं २३ मँसिर
चलचित्र ‘चिलगाडी’को निर्देशकमा खिल बहादुर गुरुङ अनुबन्धित भएका छन् । यो चलचित्रलाई चलचित्र पत्रकार संघ नेपालका सचिब रघुनाथ सापकोटाले निर्माण गर्दैछन् । २ बर्ष अगाडी निर्माण घोषणा गरिएको यो फिल्म कोरोनाका कारण रोकिएको छ । अब चलचित्रको छायाँकन माघबाट सुरु गर्ने निर्माता सापकोटाले बताएका छन् । बिहीवार निर्माता सापकोटाले र निर्देशकको रुपमा गुरुङलाई अनुबन्धित गरेका हुन् ।
यतिबेला चलचित्र चिलगाडीको निर्देशकमा खिलबहादुर गुरुङलाई अनुबन्धि गरिएको छ । उनले यस अघि टिस्टा पारिको साईने, मन्त्र जस्ता चलचित्र निर्देशन गरिसकेका छन् ।
छायाँकनमा जानु अघि चलचित्रको बिदेशको लागि केही देशको प्रदर्शन राईट्स बिक्री भएकाले पनि आफुहरु छायाँकनको तयारीमा जुटेको निर्माता सापकोटाले बताएका छन् । उनका अनुसार यो चलचित्रको छायाँकन माघबाट सुरु हुने छ ।
यो चलचित्रको पटकथा तथा संवाद यम थापाले लेखेका हुन् । जसमा सागर प्रधानको छायाँकन, अर्जुन पोखरेलको गीत, संगीत रहनेछ । यो चलचित्र सेलिब्रेटी नेपालको ब्यानरमा निर्माण हुने पनि सापकोटाले बताएका छन् । चलचित्रमा यस अघि नाजिर हुसेन सहित केही कलाकार चयन भईसकेका छन् । अब नायिका लगायत केही कलाकारको चयन गरेर अभिनय कार्यशाला सुरुगर्ने पनि सापकोटाले बताएका छन् ।
