ब्युटी न्युज नेपाल
काठमाडौं, १२ मँसिर
अभिनेता सलोन बस्नेत दाम्पतय सम्बन्धमा बाँधिएका छन् । उनले सोमबार आफ्नी प्रेमिका करिश्मा केसीसँग विवाह गरेका हुन् । चार वर्ष अघि सुरु भएको माया प्रेमलाई यी जोडीले यतीबेला दाम्त्य सम्बन्धमा परिणत गरेका छन् ।
विवाहका लागि दुबै परिवार दुई दिनबाटै चन्द्रागिरीको चन्द्रागिरी रिसार्टमा छन् । सो रिपोर्टबाट सोमबार परिवारका सदस्य, आफन्त र फिल्मकर्मीहरुको उपस्थितिमा उनीहरुले विवाह गरेका हुन् । रिसोर्टबाट जन्तीका साथ सलोनलाई डोलीमा चढाएर विवाह समारोह स्थल भालेश्वर मन्दिरमा लगिएको थियो ।
भालेश्वर मान्दिरमा उनीहरुको अहिले विवाह समारोह चलिरहेको छ । विवाहमा अभिनेत सलोनका परिवार सहित उनको तर्फबाट चलचित्र विकास बोर्डका अध्यक्ष एवम् अग्रज अभिनेता भुवन केसी, अभिनेता सलिनमान बनिया, अभिनेत्रीहरु पूजा शर्मा, वर्षा राउतलगायत सहभागी छन् ।
करिश्मा पेशाले एअर होस्टेस हुन् । उनले मोडलिङबाट आफ्नो करिअर सुरु गरेकी हुन् । करिश्मा र सलोनको एउटा म्युजिक भिडियोमा काम गर्ने क्रममा चिनजान भएको थियो । त्यसपछिबाट उनीहरु प्रेम सम्बन्धमा रहेका हुन् । दुबैको घर थानकोट भए पनि सोही भिडियोको छायाँकनको क्रममा आफुहरुको चिनजान भएको सलोनले बताएका छन् । सलोनले आफ्नो विवाहको रिसेप्सन पार्टी यही १४ मँसिरमा राखेका छन् ।
